ប្រេស៊ីល៖រដ្ឋាភិបាលរបស់ប្រេស៊ីល បានសម្រេចិត្ត ផ្អាកការសាងសង់ ពហុកីឡដ្ឋាន Arena de Sao Paulo ដោយសារតែការស្លាប់កម្មករសំណង់នៅទីនេះ ។
ពិភពលោកទាំងមូលកំពុងរងចាំ ដោយការរាប់ថយក្រោយ ជាមួយនឹងព្រឹត្តិការណ៍ ប្រកួតបាល់ទាត់ពិភពលោក ដែលនឹងធ្វើឡើងក្នុងប្រទេសប្រេស៊ីល នាខែ មិថុនា ខាងមុខ។
នៅសល់តែ ២ ខែ ទៀតតែប៉ុណ្ណោះ ការប្រកួតបាល់ទាត់ពិភពលោកនឹងចាប់ផ្តើម ប៉ុន្តែពេលនេះខាងរដ្ឋាភិបាលប្រេស៊ីល កំពុងជួបបញ្ហាព្រួយបារម្ភជាច្រើន ។ ដោយក្នុងនោះ ពហុកីឡដ្ឋានជាច្រើន នៅតែមិនទាន់បានបញ្ចប់ ដោយអ្នកម៉ៅការសំណង់នៅទីនេះកំពុងឈឺក្បាល ដើម្បីបញ្ចប់គម្រោងនេះ។ទោះជាយ៉ាងណា កាលវិភាគ ចំពោះការសាងសង់ ត្រូវបានវិនិច្ច័យឲ្យឃើញថា ការសាងសង់ វាបានច្រាសនឹងសុវត្ថិភាព ។
ដោយកម្មករ យ៉ាងហោចណាស់ ៧ នាក់បានស្លាប់ នៅលើពហុកីឡដ្ឋានដែលកំពុងសាងសង់ ដើម្បីត្រៀមទទួល World Cup ដោយសារតែ ឧបទ្ទេវហេតុដួលរលំ សំណង់ពហុកីឡដ្ឋាន។ ទន្ទឹមជាមួយនឹងគ្នានេះដែរ ខាង រដ្ឋាភិបាល ប្រេស៊ីល ទទួលបានការព្រមានជាច្រើនដង ចំពោះវិធានការដ៏ស្វិតស្វាញ់ ហើយខាងរដ្ឋាភិបាលក៏បានចេញសេចក្តីប្រកាស ឲ្យផ្អាក ការសាងសង់ ពហុកីឡដ្ឋាន Sao Paulo ។
សូមបញ្ជាក់ផងដែរថា ពហុកីឡដ្ឋាន Sao Paulo ជាពហុកីឡដ្ឋាន បើកឆាកការប្រកួតរវាងម្ចាស់ផ្ទះប្រេស៊ីល ជាមួយនឹង ប្រទេសក្រូអាត នៅថ្ងៃទី ១២ ខែ មិថុនា ។ ជាមួយនឹងការពន្យាពេលនេះ វាអាចនឹងមិនបញ្ចប់ មុនការប្រកួត ។ ទោះជាយ៉ាងណា ខាង FIFA បានកំណត់រួចរាល់ហើយ ថា Sao Paulo គឺជាពហុកីឡដ្ឋានទាំង ៦ ដែលត្រូវចូលរួម បម្រើដល់ការប្រកួត ព្រឹត្តិការណ៍បាល់ទាត់ ដ៏ធំ ៤ ឆ្នាំម្តង៕
មតិយោបល់