មានមនុស្សមួយចំនួនតែងតែយក សូកូឡា ដំឡូង ឬនំ បរិភោគជំនួសអាហារប្រចាំថ្ងៃ ប៉ុន្តែលោក Pakkirappa Hunagundi វ័យ ៣០ បានយក ឥដ្ឋ ថ្ម និងភក់មកជំនួសអាហារប្រចាំថ្ងៃរបស់គាត់ទៅវិញ។
លោក Pakkirappa Hunagundi រស់នៅក្នុងក្រុង Gadag រដ្ឋ Karnatake ប្រទេសឥណ្ឌា បានផ្តើមបរិភោគអ្វីដែលមនុស្សធម្មតាមិនអាចបរិភោគបានតាំងពីអាយុ ១០ ឆ្នាំ។ ជារៀងរាលថ្ងៃបុរសម្នាក់នោះបានបរិភោគកំទេចកំទីឥដ្ឋ និងក្រួស ៣ គីឡូក្រាមក្នុងមួយថ្ងៃ។ ប៉ុន្តែអស់រយៈពេល ២០ ឆ្នាំនៃការបរិភោគកំទេចកំទីឥដ្ឋមកនេះ ដូចជាគ្មានផលប៉ះពាល់ដល់សុខភាពគាត់សោះ សូម្បីតែធ្មេញរបស់គាត់ក៏មានសុខភាពល្អដែរ។ លោក Pakkirappa បានទាញយកប្រយោជន៍ពីសមត្ថភាពពិសេសរបស់គាត់ ដើម្បីរៃអង្គាស់ប្រាក់សម្រាប់ផ្គត់ផ្គងជីវភាពគ្រួសារ។ មានមិត្តរបស់គាត់ជាច្រើនបានហាមឃាត់កុំឲ្យគាត់បរិភោគបែបនេះទៀត ព្រោះវាមិល្អសម្រាប់សុខភាព ប៉ុន្តែបំណងល្អរបស់ពួកគេនៅតែបរាជ័យព្រោះគាត់មិនស្តាប់អ្នកណាឡើយ៕
មតិយោបល់