រាជធានីភ្នំពេញ៖ មានការភ្ងាក់ផ្អើលមួយបានកើតឡើងកាលពីវេលាម៉ោង 6 និង00នាទីថ្ងៃទី04 ខែមេសា ឆ្នាំ2014 នៅតាមបណ្ដោយផ្លូវជាតិលេខ6 ត្រង់ចំណុចក្រុមទី8 ភូមិគៀនឃ្លាំង សង្កាត់ព្រែកលៀប ខណ្ឌឬស្សីកែវ រាជធានីភ្នំពេញ បន្ទាប់ពីប្រទះឃើញបុរសម្នាក់ដេកដកចង្កាមាន់ក្បែរចិញ្ចើមផ្លូវ។
បុរសដែលគេប្រទះឃើញដេកដកចង្កាមាន់ក្បែរចិញ្ចើមផ្លូវហើយត្រូវបានគេសង្ស័យថាត្រូវថ្នាំសណ្ដំនោះឈ្មោះ ផន សោភណ្ឌ ភេទប្រុស អាយុ27ឆ្នាំ មានស្រុកកំណើតនៅភូមិព្រែកសិលា ឃុំព្រែកសិលា ស្រុកលលាប្អៀរ ខេត្តកំពង់ឆ្នាំង ។ បើតាមសាក្សីដែលឃើញហេតុការនោះបានអោយដឹងថា៖ មុនពេលកើតហេតុកាលពីយប់ថ្ងៃទី3 ខែមេសា ឆ្នាំ2014 ម៉ោងប្រហែលជា11យប់គេឮសូរសំឡេងរថយន្តមួយគ្រឿងទំនងជាបើកបុកមនុស្សហើយក៍បើកគេចខ្លួនបាត់គេមិនបានចាប់អារម្មណ៍ថា រថយន្តនោះបានបុកមនុស្សនោះទេលុះព្រឹកឡើងស្រាប់តែឃើញបុរសរងគ្រោះរូបនោះបានដេកដកចង្កាមាន់ក្បែរចិញ្ចើមផ្លូវើយប្រជាពលរដ្ធក៍បានទូរសព្ទប្រាប់សមត្តកិច្ចមូលដ្ធានតែម្ដង។
ពេលសមត្តកិច្ចមកដល់ក៍បានធ្វើការឆែកឆេរក្នុងហោប៉ាវខោបុរសរងគ្រោះរូបនោះក៍បានប្រទះឃើញនៅក្នុងកាបូបជនរងគ្រោះមានលុយចំនួន15មឺុនរៀល និងឯកសារមួយចំនួនជនរងគ្រោះត្រូវបានគេស្គាល់ហើយក៍ទៅប្រាប់សាច់ញាតិ។ បើតាមក្មេងស្រីម្នាក់ឈ្មោះ ផន រ៉ានី ភេទស្រី អាយុ15 មុខរបរបុគ្គលិកភោជនីដ្ធានម្លប់ស្វាយ ស្នាក់នៅកន្លែងធ្វើការបានអះអាងថា នាងគឺជាប្អូនស្រីជនរងគ្រោះហើយបានប្រាប់ថា៖ បងប្រុសរបស់នាងទើបតែមកពីធ្វើការនៅប្រទេសថៃបានប្រហែល3ថ្ងៃប៉ុណ្ណោះ ហើយកាលពីល្ងាចថ្ងៃទី3 ខែមេសា ឆ្នាំ2014 វេលាម៉ោងប្រហែលជា3រសៀល បងប្រុសរបស់នាងបានទៅផឹកសីុជាមួយមិត្តភ័ក្ររបស់គាត់តាំងពីពេលនោះមកស្រាប់តែបាត់រហូតពេញមួយយប់លុះព្រឹកឡើងត្រូវបានគេមកប្រាប់ថា បងប្រុសរបស់នាងបានដេកដកចង្កាមាន់នៅក្បែរផ្លូវពេលដែលនាងទៅដល់ឃើញហេតុការបែបនេះនាងក៍បានអង្វរអោយប្រជាពលរដ្ធជួយហៅរថយន្តសង្គ្រោះដើម្បីដឹកបងប្រុសរបស់នាងទៅមន្ទីពេទ្យ។ បើតាមការសន្និដ្ធានជំហានដំបូងរបស់សមត្តកិច្ចមូលដ្ធានបានអោយដឹងថា ករណីខាងលើនេះមិនមែនជាករណីដាក់ថ្នាំសណ្ដំយកទ្រព្យសម្បត្តិនោះទេគឺជាករណីរថយន្តបុកច្រើនជាងព្រោះអីនៅលើដងខ្លួនជនរងគ្រោះគឺមានស្នាមអូសជាច្រើនកន្លែង៕
មតិយោបល់