រតនគិរី: នៅរសៀលថ្ងៃទី១៤ ខែតុលា ឆ្នាំ២០១៦ លោក លី ធុជ ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានក្រុមការងារថ្នាក់ជាតិចុះជួយខេត្តរតនគិរី និងលោក ថង សាវុន អភិបាល នៃគណ:អភិបាលខេត្ត បានអញ្ជើញចុះសំណេះសំណាល សួរសុខទុក្ខ ជាមួយប្រជាពលរដ្ឋប្រមាណជាង៧០០ នាក់ ដែលរស់នៅក្នុងសង្កាត់កាចាញ ក្រុងបានលុង និងបានប្រកាសចាប់ផ្តើមដំណើរការធ្វើប័ណ្ណកម្មសិទ្ធិដីធ្លីជូនប្រជាពលរដ្ឋដែលទទួលបានកម្មសិទ្ធិដីធ្លីពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលបានសម្រេចកាត់ចេញពីក្របខ័ណ្ឌដីចម្ការកៅស៊ូរបស់រដ្ឋ ហើយប្រគល់ឲ្យប្រជាពលរដ្ឋចំនួន១.២៦០ គ្រួសារ ទៅតាមទំហំដីជាក់ស្តែងដែលប្រជាពលរដ្ឋបានកាន់កាប់រស់នៅជាយូរឆ្នាំមកហើយ កាលពីពេលកន្លងទៅ៕