វេលាម៉ោង ៧ និង ៣០នាទី នារាត្រីយប់មិញនេះដែរ ក្លិប Everton ធ្វើបានយ៉ាងល្អបំផុត ដើម្បីសងសឹកគំនុំចាស់ កាលពី ៣ សប្តាហ៍កន្លងទៅ ដោយបានបំបាក់ក្លិប Arsenal ក្នុងលទ្ធផល ៣ – ០ នៅពហុកីឡដ្ឋាន Goodison Park ដោយនឹងឡើងទៅកាន់តារាង ទី ៤ ខណៈដែល នៅសល់ ១ ប្រកួតទៀតនៅក្នុងដៃ ។
ក្រោមការដឹកនាំរបស់លោក Roberto Martinez បានធ្វើឲ្យ Everton មានសភាពខ្លាំងក្លា ចាប់តាំងពីនាទី ទី ១៤ ក្នុងការប្រកួត ដោយស្វែងរកគ្រាប់បាល់ដោយកីឡាករ Naismith និង នាទី ៣៤ ដោយកីឡាករ Lukaku ខណៈតង់ទី ២ នាទី ៦១ គឺជាគ្រាប់បាល់ អនហ្គោល របស់ Areta ។
លទ្ធផល ៣ – ០ នេះដែរ វាអាចជាលទ្ធផលសងសឹកនូវ គំនុំចាស់ ដែល Arsenal ធ្លាប់បានបំបាក់ ក្លិប Everton ដោយ លទ្ធផល ៤ -១ នៅពហុកីឡដ្ឋាន Emirates កាលពី ៣ សប្តាហ៍កន្លងទៅ ។
បញ្ជាក់ផងដែរថា ក្លិប Arsenal ប្រកួត ៣៣ ប្រកួត មានពិន្ទុ ៦៤ ខណៈដែល Everton ប្រកួត ៣២ ប្រកួតមាន ៦៣ ពិន្ទុ ហើយក្លិបដែលនៅកំពូលតារាងនៅពេលនេះ គឺក្លិប Liverpool មាន ៧៤ ពិន្ទុ បូករួមទាំងឈ្នះ ក្លិប West Ham កាលពីរាត្រីយប់មិញដោយលទ្ធផល ១ – ២ ៕
ទស្សនាវីដេអូឃ្លិបដូចខាងក្រោមនេះ៖
Everton 3 – 0 Arsenal
West Ham United 1 – 2 Liverpool
មតិយោបល់