ភ្នំពេញ៖កន្លងទៅថ្មីៗនេះដែរ ផលិតកម្មថោន បាន ចុះទៅបង្រ្កាប អ្នកកូពី ស៊ីឌី ក្លែងក្លាយនៅម្តុំចោមចៅ ដូចសេចក្តីប្រកាស ដែលរំពឹងទុក ប្រាកដមែន ។
ការចុះទៅបង្ក្រាប អ្នកកូពីស៊ីឌីក្លែងក្លាយ របស់ផលិតកម្មថោន តែមួយកន្លែងសោះ បានធ្វើឲ្យ អ្នករកស៊ីផ្លូវងងឹតកូពីខុសច្បាប់ផ្សេងៗទៀត លើករណីនេះ បាននាំគ្នាបិទទ្វារ ដោយខ្លាចរអាល នឹងសងទឹកប្រាក់ដ៏ច្រើនលើសលប់ ក្នុងករណីដែលចាប់បាននោះ។
បើទោះបីជា ការចុះបង្ក្រាបនេះ ក្លាយជាចំណុច រអាលដល់អ្នករកស៊ីទាំងនោះ មែន ក៏ប៉ុន្តែ ផលិតកម្មថោន នៅភ្លេចគិតរឿងមួយ ដែលជាចំណុចសំខាន់ដែរ នោះគឹការផ្សព្វផ្សាយ លើបណ្តាញអនឡាញ ឬ គេហទំព័រផ្សេងៗទៀត ដែលគ្មានការអនុញ្ញាតិ ដោយទាញផលចំណេញពី អ្នកទស្សនា។ មួយជ្រុងនេះវាក៏អាចធ្វើឲ្យ ផលិតកម្ម ថោន ខាតបង់ទឹកប្រាក់មិនតិចនោះដែរ ខណៈដែល ទំព័រ កម្សាន្តស្តាប់តន្ត្រី មើលរឿង ភាគ មើលវីដេអូ ផ្សេងៗ កំពុងដំណើរការដូចផ្សិត ពីមួយថ្ងៃទៅមួយថ្ងៃ ដោយដាក់ឲ្យទាញ់យក ឬ ដោនឡូត ដោយស៊េរីនោះ ។ ការដោនឡូត ឬទាញយកដោយ ស៊េរីនេះ វាក៏ជាចំណុច ប៉ះពាល់ដល់ ចំណូល ក៏ដូចជាទិន្នន័យលក់ស៊ីឌីរបស់ផលិតកម្មថោន ធ្លាក់ចុះ ។ ចំណុចនេះ ទាំងយើងទាំងគេ មិនចាំបាច់ទិញស៊ីឌី ធ្វើអ្វី ព្រោះសម័យកាលនេះទៅហើយ បើមានគេហទំព័រ ទាំងនោះ ដាក់ឲ្យដោនឡូត ឬទាញ់យកដោយស៊េរី ខណៈទំហំទីផ្សារ អ៊ីនធឺណេត កំពុងប្រកួតប្រជែងលើតម្លៃ ដោយមានក្រុមហ៊ុនខ្លះ ប្រើអ៊ីនធឺណេត ១ ខែ ១០ ដុល្លារក៏មានដែរ ចឹងអ៊ីនធឺណេត ដល់ផ្ទះ បើកគេហទំព័រទាំងនោះ ដោនឡូតមួយភ្លែត ជាការស្រេច ទៅហើយ និងចំណេញទឹកប្រាក់ផងដែរ ។
វាជាចំណុចដែលផលិតកម្មថោន ត្រូវគិត ខណៈដែលយើង មិនទាន់សូមការស្រាយបំភ្លឺ លើករណី នេះ ពីអ្នកគ្រប់គ្រង និង អ្នកចាត់ការទូទៅ របស់ផលិតកម្មថោន នៅឡើយ ថា ផលិតកម្មមួយនេះគិតយ៉ាងណាលើករណីនេះ ? ៕
មតិយោបល់