នៅមុននេះ មានលេចធ្លាយព័ត៌មានជាច្រើនថា លោក Greg Christie អ្នកបង្កើត Slide to unlock ដំបូងបំផុតរបស់ iPhone បានលាឈប់ពីក្រុមហ៊ុន ដោយមិនដឹងពីមូលហេតុ និងមានព័ត៌មានចចាមអារ៉ាមជាច្រើនថា លោកអន់ចិត្តនឹងក្រុមហ៊ុន។
ក្រោយពីបែកធ្លាយនូវព័ត៌មាននេះ ក្រុមហ៊ុន Apple បានចេញមុខបំភ្លឺថា លោក Christie មានគម្រោងចូលនិវត្តនៅចុងឆ្នាំនេះ។
ក្រុមហ៊ុនបានបញ្ជាក់ថា លោក Christie បានបម្រើការងារនៅក្នុងក្រុមហ៊ុន Apple អស់រយៈពេលជិត ២០ឆ្នាំមកហើយ ហើយលោក៏មានស្នាដៃ និងត្រូវបានចាត់ទុកជាមនុស្សសំខាន់ម្នាក់នៅក្នុងក្រុមហ៊ុនផតដែរ។
គួរបញ្ជាក់ផងដែរថា លោក Christie ជានាយកគ្រប់គ្រងកម្មវិធី Human Interface និងជាអ្នកបង្កើត Interface សម្រាប់ iPhone ដំបូងគេបង្អស់៕
មតិយោបល់