យោងតាមរបាយការណ៍ស្រាវជ្រាវទីផ្សាររបស់ TrendForce បានឲ្យដឹងថា មានស្មាតហ្វូនចំនួន ២៥៥,៩លានគ្រឿងត្រូវបានលក់នៅជុំវិញពិភពលោក ក្នុងត្រីមាសទី១ ឆ្នាំ ២០១៤។
នៅក្នុងរយៈពេល ៣ខែដំបូងចាប់ពីខែមករា ដល់ខែមីនា ការលក់ស្មាតហ្វូនបានកើនឡើង ១,១៣ភាគរយ ដែលជាកម្រិតមួយស្ដួចស្ដើង ប៉ុន្តែបើតាមការប៉ាន់ប្រមាណ វានឹងកើនឡើងខ្ពស់នៅត្រីមាសបន្ទាប់។
នៅក្នុងរបាយការណ៍របស់ TrendForce បានព្យាករទុកថា នៅក្នុងត្រីមាសទី២ ការលក់ស្មាតហ្វូននឹងកើនឡើង ៦,៧ភាគរយ ដោយមានចំនួន ២៨៤,៥លានគ្រឿង ប្រហែលជាស្របពេលជាមួយនឹងវត្តមាន iPhone 6។
សម្រាប់ត្រីមាសទី១ ដើមឆ្នាំ ២០១៤ នេះ ក្រុមហ៊ុន Samsung លក់ស្មាតហ្វូនបានច្រើនជាងគេ ដោយមាន ៣០ភាគរយនៃស្មាតហ្វូនដែលបានលក់សរុប ក្នុងនោះ ស្មានហ្វូន Samsung Galaxy S5 និង Samsung Galaxy Note 3 លក់ដាច់ជាងគេ៕
មតិយោបល់