ហុងកុង៖ តារាសម្តែងចិនហុងកុង លោក Donnie Yen ហៅថា កុំកុំ អាចនឹងសម្តែងជាតួ James Bond ឬ រឿងភ្នាក់ងារសម្ងាត់ ០០៧ ចិនជាលើកដំបូង ។
បើតាមប្រភពព័ត៌មាន ដែលរាយការណ៍ពីផលិតករ ហូលីវ៉ូត ប្រាប់ដល់សារព័ត៌មាន The Star ឲ្យដឹងថា “អ្នកផលិតរឿង James Bond 007 ទី ៧ នេះ បានរកឃើញតារាសម្តែងដែលសមនឹងដើរតួក្នុងរឿងនេះ នោះគឺជា Donnie Yen ហៅថា កុំកុំ “។
ទន្ទឹមជាមួយនឹងគ្នានេះដែរ ព័ត៌មានចចាមអារាមដែលបែកធ្លាយ ផ្សាយដោយគេហទំព័រ Mediamass នោះ ត្រូវបានចេញមុខបកស្រាយដោយ តារាសម្តែងល្បីឈ្មោះ ហៅកុំកុំ ដោយលោកបានតបវិញថា គ្រាន់តែជាព័ត៌មាន បំផ្លើសតែប៉ុណ្ណោះ វាមិនមែនជារឿងពិតនោះទេ។
នៅពេលដែលសួរ បើសិនវាក្លាយជាការពិតតើលោកគិតយ៉ាងណា ? កុំកុំ បានសើច រួចតបវិញថា វាល្អដែរ ហើយសង្ឈឹមថា ដូចនឹងទៅនឹងពាក្យចចាមអារាមទៅចុះ ដែលអាចនឹងធ្វើឲ្យទីផ្សារឧស្សាហកម្មកម្សាន្តចិន កាន់តែបោះជំហានទៅមុខ ជាបន្តលើឆាកអន្តរជាតិ។
សូមបញ្ជាក់ផងដែរដា មុននេះ បន្តិច កុំកុំ ទើបតែចេញរឿងមួយ ក្រោមចំណងជើង “The Monkey King” ដែលទទួលបានការគាំទ្រមិនតិចនោះទេ ក្នុងទីផ្សារឧស្សាហកម្មកម្សាន្តចិន៕
មតិយោបល់