កុមារីម្នាក់ទៀតរស់នៅក្នុងខេត្តកំពត បានស្លាប់ដោយជំងឺផ្ដាសាយបក្សី H5N1 ដែលជាករណីទី៩ក្នុងឆ្នាំនេះ។ នេះបើយោងតាមចក្ដីប្រកាសព័ត៌មានរួមរបស់ក្រសួងសុខាភិបាល និងអង្គការសុខភាពពិភព លោកចេញផ្សាយថ្ងៃទី ១៧ ខែមីនាឆ្នាំ ២០១៤។
កុមារីដែលបានស្លាប់នោះ មានអាយុ ២ឆ្នាំ មានទីលំនៅក្នុងភូមិកណ្ដាល ឃុំវត្តអង្គខាង ត្បូង ស្រុកបន្ទាយមាស ខេត្តកំពត ត្រូវបានបញ្ជាក់ដោយវិទ្យាស្ថានប៉ាស្ទ័រកម្ពុជា នៅថ្ងៃទី ១៤ ខែមីនា ឆ្នាំ ២០១៤ ថា មានជំងឺផ្ដាសាយបក្សី H5N1 ។
កុមារីបានចាប់ផ្ដើមមានគ្រុនក្ដៅ នៅ ថ្ងៃទី ៨ ខែមីនា ឆ្នាំ ២០១៤ ហើយឪពុកម្ដាយស្វែងរកការព្យាបាលនៅគ្លីនិកឯកជននៅថ្ងៃដ ដែលនេះ (៨មីនា) និងថ្ងៃបន្ទាប់(៩មីនា) ។ ក្រោយមកនៅថ្ងៃទី ១០មីនា ក៏បញ្ជូនមកកាន់មន្ទីរពេទ្យគន្ធបុប្ផា ហើយស្លាប់នៅថ្ងៃទី១៤ខែមីនា៕
មតិយោបល់