អង់គ្លេស​៖ ក្លិប​ Everton កាលពីរាត្រីយប់មិញនេះដែរ បាន​ធានាសុវត្ថិភាពរបស់ពួកគេ ​​នៅក្នុងក្របខណ្ឌ Premier League ដោយយក​ឈ្នះក្លិប បិសាចក្រហម Manchester United ដោយលទ្ធផល ២ – ០ ​នៅពហុកីឡដ្ឋាន Goodison Park ។​
គ្រាប់បាល់ដែលរកបានដោយ Leighton Baines និង Kevin Mirallas បាន​ធ្វើឲ្យ David Moyes កាន់តែប្រឈមមុខ នឹងការ​ដើរចេញពី Old Traford ។​

នៅនាទី ២៨ កីឡាករ Leighton Baines បានស៊ុតប៉េណ័លទី ចំងាយ ១១ ម៉ែត្រ ខណៈដែល Lukaku របស់ Everton បានស៊ុតទៅប៉ះនឹងដៃ របស់ ខ្សែការពារ Phil Jones របស់បិសាចក្រហម ដោយអាជ្ញាកណ្តាលសម្រេច​ឲ្យប៉េណ័លទី ។​
ក្នុងតង់ទី ១ ដដែល នៅនាទី ៤៣ កីឡាករ Kevin Mirallas បាន​ស៊ុតបំប៉ោងសំណាញ់យ៉ាងស្អាត ស្ទើតែ​ធ្លាយ សំណាញ់ទៅហើយ ដែល​ធ្វើឲ្យ Moyes កាន់តែស្ពឹកមុខ ដោយបញ្ចប់ការប្រកួតតង់ទី ១ ត្រឹមលទ្ធផល ១ – ០ ។​
តាំងពីឆ្នាំ ១៩៦៩ – ១៩៧០ មក នេះជាលើកទី ១ ហើយដែល ក្លិប Everton មាន​លទ្ធភាពយក​ឈ្នះ ដោយក្លៀរពិន្ទុ ឆ្ងាយដាច់ ដល់ទៅ ១២ ពិន្ទុ៕
ទស្សនាឃ្លិបដូចខាង​ក្រោមនេះ៖