អស់គ្លេស៖ក្លិបបិសាចក្រហម បានសម្រេចចិត្តភ្លាមៗ បណ្តេញ អ្នកគ្រប់គ្រង សញ្ជាតិស្កុតឡេន ហេងស៊យ David Moyes ចេញពីតំណែងក្រោយ បញ្ចប់ការប្រកួត ដោយចាញ់ក្លិប Everton ២ – ០ កាលពីចុងសប្តាហ៍ កន្លងមកនេះ។
ព័ត៌មាន បណ្តាញ David Moyes ចេញពីតំណែង បានក្លាយជាប្រធានបទក្តៅគគុកលើលោក បន្ទាប់ពីសារព័ត៌មាន នានា បានចុះផ្សាយព្រោង ព្រាត និង ត្រូវបាន ក្រុមអ្នកគាំទ្រ ធ្វើការចែកចាយគ្នា លើបណ្តាញអនឡាញ ផងដែរ។
ក្រោយលទ្ធផល ពិន្ទុចាញ់ឆ្ងាយដាច់ រហូតដល់ ១៣ ពិន្ទុពី Everton ដែលមិនធ្លាប់មានតាំងពីឆ្នាំ ១៩៦៩ – ៧០ នោះ ត្រូវបានសារព័ត៌មានផ្សេងៗចុះផ្សាយថា លោក Glazer និង អ្នកគ្រប់គ្រងក្លិបជាច្រើននាក់ទៀត បានអស់ការអត់ធ្មត់ជាមួយនឹង Moyes ។
ដោយឡែកអ្នកដែលអាចមកគ្រប់គ្រង ជួសកន្លែង Moyes រួមមានដូចជា គ្រូបង្វឹកជម្រើសជាតិហុល្លង់ Louis van Gaal និងគ្រូបង្វឹកក្រុម Dortmund, Jurgen Klopp ខណៈមានបណ្ដាញសារព័ត៌មានខ្លះទៀតបានឲ្យដឹងថា Giggs នឹងត្រូវកាន់តំណែងជំនួសបណ្ដោះអាសន្នសម្រាប់ប្រកួតដែលនៅសល់ ក្នុងរដូវកាលនេះ។
អ្វីដែលធ្វើឲ្យគេកត់សម្គាល់ជាងនេះ Moyes បានក្លាយជាឃាតករ សម្លាប់ ក្លិបបិសាចក្រហម និង បំបែកកេរ្តិ៍ឈ្មោះ ដែល Sir Alex Ferguson ខំសាងរាប់ឆ្នាំមកនេះ។ កាន់តែពិសេសជាងនេះទៅទៀត តាំងពីឆ្នាំ ១៩៩៥ មក នេះជាលើកទី ១ ហើយដែល បិសាចក្រហម ធ្លាក់ចេញពី ក្របខណ្ឌ Champions League ដោយមិនអាចចូលរួមលេងបានទេ នៅរដូវកាលក្រោយនោះ ។
តែទោះជាយ៉ាងណា សូមបញ្ជាក់ផងដែរថា នៅមិនទាន់មានព័ត៌មាន ណាជាផ្លូវការ ថា ក្លិប បិសាចក្រហម បណ្តាញ Moyes ឲ្យជាក់លាក់នៅឡើយនោះទេ ខណៈទំព័រ ក្លិបមួយនេះ មិនទាន់ប្រកាសជាផ្លូវការ ដើម្បីបំបែកព្យុះព័ត៌មាន៕
មតិយោបល់