ភ្នំពេញ៖ យុវជនម្នាក់ត្រូវរងរបួសធ្ងន់ធ្ងរខណៈរូបគេជិះម៉ូតូមួយគ្រឿងម៉ាកឃ្លីក ពណ៌ស្លាទុំ ពាក់ស្លាកលេខ ភ្នំពេញ1Q-0195 ជិះក្នុងល្បឿនលឿនទៅបុករ៉ឺម៉ក់កង់បីមួយគ្រឿង គ្មានស្លាកលេខ បណ្តាលឲ្យរ៉ឺម៉ក់កង់បីក្រឡាប់ផ្ងារ ជើងច្រងាង នៅចំណុចផ្លូវលេខ១១៨ កែងផ្លូវលេខ៥៣ក្នុងសង្កាត់ផ្សារថ្មីទី១ ខណ្ឌដូនពេញ កាលពីវេលាម៉ោង ២១និង ៤៥នាទីយបថ្ងៃទី ២១ មេសា ឆ្នាំ២០១៤។
យោងតាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេសង្គេតឃើញ យុវជនរង គ្រោះខាងលើជិះម៉ូតូមួយគ្រឿងម៉ាកឃ្លីក ជិះធ្វើដំណើរតាមបណ្តោយផ្លូវលេខ ១១៨ ទិសដៅពីកើតទៅលិច បើកបរក្នុង ស្ថានភាពស្រវឹងក្នុងល្បឿនយ៉ាងលឿន លុះមកដល់ចំណុចកើតហេតុស្រាប់តែមានម៉ូតូរ៉ឺម៉ក់កង់បីមួយគ្រឿងទៀត ពណ៌ក្រហម គ្មានស្លាកលេខ ជិះធ្វើដំណើរតាមបណ្តោយផ្លូវ ៥៣ ទិសដៅពីត្បូងទៅជើង ជិះកាត់ពីមុខម៉ូតូឃ្លីកបណ្តាល ឲ្យម៉ូតូឃ្លីកបុកចំពីមុខពេញទំហឹង ធ្វើឲ្យរ៉ឺម៉ក់កង់បីក្រឡាប់ផ្ងារជើងច្រងាង ហើយយុវជនជាម្ចាស់ម៉ូតូឃ្លីកត្រូវរងរបួស ធ្ងន់ធ្ងរបានសាច់ញាតិមកយកទៅសង្គ្រោះនៅមន្ទីរពេទ្យភ្លាមៗ។
ក្រោយកើតហេតុសមត្ថកិច្ចមូលដ្ឋានបានចុះអន្តរាគមន៍សម្របសម្រួលភាគីទាំងសងខាង ដោយភាគីខាងម្ចាស់ ម៉ូតូឃ្លីកធ្វើការសងសំណងទៅកាន់ម្ចាស់រ៉ឺម៉ក់កង់បី ដើម្បីបញ្ចប់រឿងនៅនឹងកន្លែងកើតហេតុភ្លាមៗ៕
មតិយោបល់