យោងតាមទំព័រ របស់ BBC បានចុះផ្សាយឲ្យដឹងថាអ្នកគ្រប់គ្រងក្លិប បិសាចក្រហម លោក David Moyes ត្រូវបានបណ្តាញចេញពីតំណេង ខណៈដែលកាន់តំណែងបានត្រឹមតែ ១០ ខែ ដោយរាប់គិតចាប់ពីសេចក្តីប្រកាសធ្វើឡើងកាលពីថ្ងៃទី ៩ ខែ ឧសភា ឆ្នាំ ២០១៣ និង កុងត្រានៅថ្ងៃទី ១ ខែ កក្កដា ឆ្នាំ ២០១៣ ។
ពីមុនក្លិបបានច្រានចោល ចំពោះការធ្វើសេចក្តីអធិប្បាយ ចំពោះសារព័ត៌មាននានាដែលចុះផ្សាយ កាលពីថ្ងៃចន្ទម្សិលមិញនេះ Moyes នឹងចាកចេញពី ក្លិបបិសាចក្រហម មុននឹងបញ្ចប់រដូវកាល។
នៅក្នុងសេចក្តីថ្លែងការណ៍ របស់ក្លិប បាននិយាយថា “វាហាក់ដូចជាកន្លែងមួយ ដែលមានកំណត់ត្រា ហើយក៏អរគុណដែរ ចំពោះការងារដ៏លំបាក ភាពស្មោះត្រង់ និងសុចរិក ដែលគាត់បាននាំយកមក ចំពោះតួនាទីនេះ” ។ មួយឃ្លានេះ បញ្ជាក់ថា Moyes ពិតជាចាកចេញពី ក្លិប បិសាចក្រហមមុនរដូវកាលជាក់ណាស់។
បច្ចុប្បន្នកាលនេះដែរ ក្លិប បិសាចក្រហម ស្ថិតនៅលេខរៀងទី ៧ នៃតារាង ហើយមានពិន្ទុទាបបំផុត ដែលមិនធ្លាប់មានពីមុនមក ក្នុងក្របខណ្ឌ Premier League ដែលធ្វើឲ្យ Old Trafford កំពុងក្រាញននៀល ចំពោះភាពលំបាក។
នៅក្រោមការគ្រប់គ្រងរបស់ David Moyes បិសាចក្រហមបានចាញ់ការប្រកួត នៅលើទឹកដីរបស់ខ្លួន ចំនួន ៦ ប្រកួត ដែលធ្វើឲ្យអ្នកគាំទ្រ ក្លិបក្តៅក្រហាយយ៉ាងខ្លាំង ។
កាលពីខែ មិនា កន្លងទៅ អ្នកគាំទ្រក្លិបមួយចំនួន បានសរសេរបដាច្រើនជាមួយនឹងពាក្យថា “ខុសមួយហើយ Moyes ចេញ” ។
សូមបញ្ជាក់ផងដែរថា Moyes បានចាកចេញពី Everton ដើម្បីកុងត្រាជាមួយនឹងបិសាចក្រហមរយៈពេល ៦ ឆ្នាំ ជាមួយនឹងម្ចាស់ជើងឯក Premier League ៕
មតិយោបល់