ក្លិបតោខៀវ បានប្រើប្រាស់មធ្យោបាយមួយយ៉ាងល្អ ដោយ ការការពារយ៉ាងតឹងណែនជាទីបំផុត ក្នុងវគ្គពាក់កណ្តាលផ្តាច់ព្រ័ត្រ នាក្របខណ្ឌ UEFA Champions League ជាមួយនឹងក្លិប Atletico Madrid ដោយលទ្ធផល ស្មើ ០ – ០ នៅ Vicente Calderon កាលពីរាត្រីទៀបភ្លឺយប់មិញនេះ។
លទ្ធផលស្មើ ០ – ០ នេះដែរ វាគឺជាតម្លៃមួយដ៏វិសេសវិសាល ឬ អាចថាជាវិរៈបុរស ដែលស្តែងចេញតាមរយៈការសង្គ្រោះបាល់ របស់ កីឡាករ Petr Cech នៅនាទី ទី ១៤ ខណៈដែលក្រុម Atletico Madrid ស៊ុតបាល់ចេញពីជ្រុង និងធ្វើឲ្យ Petr Cech ដូរចេញផងដែរ។
សម្រាប់គូនេះបានធ្វើឲ្យ ពហុកីឡដ្ឋាន Vicente Calderon ស្ទើរតែបាក់ទៅហើយ នៅពេលដែលគូប្រកួតនេះ ស្ទើតែស៊ីសាច់ហុតឈាម គ្នា ដោយ Atletico Madrid វាយសម្រុកម្តងហើយម្តងទៀត និងមានឱកាសជាច្រើនលើកច្រើនសារ តែមិនអាចបំបែករនាំង ការពារដ៏រឹងមាំក្រោមយុទ្ធសាស្ត្រលេងរបស់ Jose Mourinho ។ លទ្ធផលស្មើ វាកំពុងតែធ្វើឲ្យ ក្លិប Atletico Madrid ប្រឈមនឹងហានិភ័យខ្ពស់ នៅជើងទី ២ ត្រូវធ្វើដំណើរទៅកាន់ Stamford Bridge របស់តោខៀវ Chelsea ។
វាសនា របស់ Atletico Madrid សម្រាប់ជើងទី ២ អាចនឹងហាល អាវ ដូចទៅនឹងក្លិប Bacelona ដែលខ្លួនបានបំបាក់ នៅ វគ្គ 1/4 នោះ៕
ទស្សនាឃ្លិបដូចខាងក្រោមនេះ៖
មតិយោបល់