នៅចាំបានទេ កាលពីប៉ុន្មានសប្ដាហ៍មុន ដំណឹង បានចុះផ្សាយព័ត៌មានមួយថា ក្រុមហ៊ុន Apple អាចនឹងបង្ហាញ iPhone អេក្រង់ ៥,៥អ៊ីង នៅឆ្នាំក្រោយ ព្រោះតែជួបបញ្ហាក្នុងការផលិត។
នៅពេលនេះ សារព័ត៌មាន Commercial Times បានចុះផ្សាយថា បញ្ហាដែលក្រុមហ៊ុន Apple ជួបក្នុងការផលិត iPhone អេក្រង់ ៥,៥អ៊ីងនោះគឺបញ្ហាថ្ម។
យោងតាមការចុះផ្សាយរបស់ប្រភពខាងលើបានឲ្យដឹងថា ក្រុមហ៊ុន Apple បានឲ្យខាងក្រុមហ៊ុនដែលផលិតថ្ម iPhone ឲ្យខ្លួន កាត់បន្ថយកម្រាស់នៃថ្ម ១ភាគរយ៣ នៃថ្មដែលប្រើនៅលើ iPhone 5S ប៉ុន្តែការធ្វើបែបនេះ វាបានប៉ះពាក់ដល់ការផលិត ព្រោះថាអ្នកផ្គត់ផ្គង់ថ្មពិបានក្នុងការកាត់បន្ថយ ដូច្នេះហើយត្រូវចំណាយពេលវេលាយូរបន្ដិច។
បើទោះបីជាំយ៉ាងនេះក្ដី ក៏ក្រុមហ៊ុន Apple មិនរងចាំបង្ហាញ iPhone អេក្រង់ ៥,៥អ៊ីង នៅឆ្នាំក្រោយដែរ គឺអាចនឹងបង្ហាញនៅក្នុងត្រីមាសទី៤ នៃឆ្នាំ នេះព្រោះថា ក្រុមហ៊ុនមិនចង់ឲ្យក្រុមហ៊ុនផ្សេងដណ្ដើមបានទីផ្សារជាងខ្លួននោះទេ។
គួរបញ្ជាក់ផងដែរថា ព័ត៌មានសម្រាប់ iPhone ជំនាន់ថ្មីនេះ ត្រូវបានលេចឮភាគច្រើនទៅលើទំហំនៃអេក្រង់ ដោយខ្លះបានអះអាងថា មានទំហំពីរផ្សេងគ្នា អ្នកខ្លះថាមានតែមួយ ប៉ុន្តែធាតុពិតយ៉ាងណានោះគឺមានតែរងចាំដល់ពេល Apple ប្រកាសបង្ហាញជាផ្លូវការ៕
មតិយោបល់