អង់គ្លេស៖ ខ្សែបម្រើស្លាបរបស់បិសាចក្រហម កីឡាករ Adnan Januzaj នឹងត្រូវជ្រើសរើសលេងតំណាង ឲ្យក្រុមតំណាងជាតិ ប្រទេសប៊ែលហ្សិក ។ នេះបើតាមសម្តីរបស់អ្នកក្រុមគ្រងឈុតធំ បែលហ្សិកលោក Marc Wilmots បានឲ្យដឹងកាលពីថ្ងៃពុធ ។
កីឡាករ Adnan Januzaj បើទោះបីជាកើតនៅ បែលហ្សិកមែនពិត ដោយសារតែមានសញ្ជាតិច្រើនពេក ក្នុងនោះ មាន បែលហ្សិក អាលបានី កូសូវ៉ូ និង អង់គ្លេស ខណៈដែល ឪពុកម្តាយសញ្ជាតិផ្សេងៗគ្នា និងរស់នៅគ្រប់តំបន់ខាងលើ ដែលជាហេតុកន្លងមកធ្វើឲ្យ Adnan Januzaj ពិបាកនឹងជ្រើសរើស មួយណា ។
លោក Marc Wilmots បានធ្វីតថា “ខ្ញុំបានទទួលព័ត៌មានជាផ្លូវការហើយ ថា កីឡាករ Adnan Januzaj បានជ្រើសរើស ជាតិបែលហ្សិកដែលខ្លួនត្រូវលេងលើឆាកអន្តរជាតិ” ។
បើទោះបីជា លោក Marc Wilmots អះអាងយ៉ាងដូច្នេះក្តី ក៏ប៉ុន្តែ ខាងសហគមន៍កីឡា នៅមិនទាន់បញ្ជាក់ និង Adnan Januzaj នៅមិនទាន់ចេញសេចក្តីអធិប្បាយឡើយ។
គួរបញ្ជាក់ផងដែរថា នៅខែក្រោយនេះ កីឡាករវ័យ ១៩ ឆ្នាំរូប Adnan Januzaj នឹងចុះកុងត្រា ជាមួយនឹងក្លិបបិសាចក្រហម រយៈពេល ៥ ឆ្នាំ បន្តទៀត៕
មតិយោបល់