ស្ត្រីវ័យ ៣២ឆ្នាំម្នាក់បានស្លាប់ភ្លាមៗ បន្ទាប់ពីបង្ហោះសារនូវបទចម្រៀងមួយក្រោមចំណងជើងថា “Happy” របស់តារាចម្រៀង Pharrell Williams នៅលើបណ្ដាញសង្គម Facebook។
ប៉ូលិសបាននិយាយថា នាង Courtney Sanford វ័យ ៣២ឆ្នាំ បានស្លាប់នៅក្នុងគ្រោះថ្នាក់ចរាចរណ៍ បន្ទាប់ពីនាងបានបង្ហោះសារថា “The happy song makes me HAPPY!“។ ប៉ូលិសបាននិយាយថា នាង Courtney Sanford បានស្ដាប់បទចម្រៀង “Happy” របស់តារាចម្រៀង Pharrell Williams ខណៈពេលកំពុងតែបើកបរ ជាពិសេសគឺនាងបានលេង Facebook ទៀតផង ដែលនេះជាការធ្វេសប្រហែសមួយសម្រាប់អ្នកបើកបរគ្រប់គ្នាគួរតែយល់ដឹង។
យោងតាមរបាយការណ៍របស់ប៉ូលិសបានបង្ហាញថា នាងបានស្លាប់ដោយសារតែរថយន្តរបស់នាងបានបុកគ្នាជាមួយនឹងរថយន្តដឹកសំរាមធន់ធំ រួចជ្រុលទៅបុកដើមឈើ។ ក្រោយពីកើតហេតុភ្លាម ប៉ូលិសបានរកឃើញទូរស័ព្ទដៃនៅក្បែរស្ត្រីរងគ្រោះ ព្រោះទាំងឃើញស្ត្រីរងគ្រោះទើបតែបង្ហោះសារ “The happy song makes me HAPPY!”៕
មតិយោបល់