អង់គ្លេ​ស៖ អ្នកលេង​​​របស់ក្លិបបិសាចក្រហម កីឡាករ Shinji Kagawa នឹង​សំឡឹង​ចូលរួម​លេង​ឲ្យ អតីតក្លិបចាស់របស់ខ្លួន Borussia Dortmund នៅរដូវកាលក្តៅនេះ ។ កីឡាករសញ្ជាតិជប៉ុននេះ តម្លៃខ្លួនបានធ្លាក់ចុះ ដោយសល់តែ​ ១២ លានផោនតែប៉ុណ្ណោះ សម្រាប់ការ​ដាក់ដេញថ្លៃពី Dortmund ។នេះ​បើតាមរបាយការណ៍ Football Direct News ។​

កីឡាករវ័យ ២៥ ឆ្នាំ សញ្ជាតិជប៉ុន នៅរដូវលកាល​នេះដែលលេង​ក្រោមការគ្រប់គ្រង David Moyes តែងតែ​ដាក់​ឲ្យលេង ​និងស្ថិតនៅ ​តំណែង​ខុសពីខ្លួនលេងកន្លងមក ។ ក៏ប៉ុន្តែ ក្រោយ David Moyes បណ្តេញចេញមុនរដូវកាល ដោយ Ryan Giggs ចូលមកកាន់កាប់តំណែងជំនួស នោះ ​គេឃើញថា Shinji Kagawa បានលេង​ក្នុងតំណែងពិតរបស់ខ្លួនវិញ ។​ Shinji Kagawa បានចូលរួម​លេង នៅក្លិបបិសាចក្រហមនៅក្នុងឆ្នាំ ២០១២ ដោយ​បិសាចក្រហមចំណាយ ទិញពី Borussia Dortmund ក្នុងតម្លៃ ១៨ លានផោន​ ហើយ បើសិនជា​ Jurgen Klopp ដែលជាអ្នកគ្រប់គ្រងក្លិប Borussia Dortmund ងាកមកកុងត្រានោះ ជាក់ណាស់ ​វា​ជារឿងល្អព្រោះថា Shinji Kagawa ជាអ្នកលេងដែលមានសមត្ថភាព ខ្ពស់គួរសម​។​
Shinji Kagawa គេឃើញថា ​បរាជ័យក្នុងការស្វែងរកគ្រាប់បាល់ ក្នុងចំណោម ២៩ ប្រកួតដែលលេចមុខ លើទីលាន ដែលខុស ពីខ្លួនលេងក្រោម​ការគ្រប់គ្រងរបស់ Sir Alex Ferguson ៕​