ខេត្តកំពង់ឆ្នាំង ៖ឧប្បត្តិហេតុគ្រោះថ្នាក់ចរាចរណ៍មួយ បានកើតឡើង រវាងរថយន្តតូយូតាកាមរីមួយគ្រឿង ដែលបើកយ៉ាងលឿន ចេញពីផ្លូវលំ គេចមិនទាន់ ជ្រុលទៅបុករថយន្តធុនធំ ដឹកផ្លែស្វាយមួយគ្រឿង កំពុងបើកលើផ្លូវជាតិ បណ្ដាលឲ្យដាច់កង់ ក្រឡាប់ចាក់ស្វាយអស់ប្រមាណជា១០តោន លើផ្លូវជាតិលេខ៥ ។ ហេតុការណ៍នេះ បានកើតឡើងនៅលើកំណាត់ផ្លូវជាតិលេខ៥ មុខរោងចក្រស្រាបៀរភ្នំពេញ ស្ថិតក្នុងឃុំសេដ្ឋី ស្រុកសាមគ្គីមានជ័យ ខេត្តកំពង់ឆ្នាំង កាលពីវេលាម៉ោង១០និង៣០នាទីយប់ថ្ងៃទី៤ ខែឧសភា ឆ្នាំ២០១៤ ។
ប្រភពនៅកន្លែងកើតហេតុ បានឲ្យដឹងថា មុនពេលកើតហេតុ មានរថយន្តយន្តហ្វុយហ្សូ ដឹកផ្លែស្វាយពាក់ស្លាកលេខ កំពង់ឆ្នាំង ៣A-០៤១៣ ធ្វើដំណើរពីត្បូងទៅជើង តាមបណ្តោយផ្លូវជាតិលេខ៥ នៅពេលដល់ចំណុចកើតហេតុ ក៏ឃើញមានរថយន្តកាមរីមួយគ្រឿង ពណ៌ខ្មៅ ពាក់ស្លាកលេខ ឆ-៥៥៩៨ ភព បើកចេញពីផ្លូវតូចយ៉ាងលឿន ចាប់ហ្វ្រាំងមិនទាន់ ក៏ជ្រុល
ទៅបុករថយន្តដឹកផ្លែស្វាយ ពេញមួយទំហឹងតែម្តង ធ្វើឲ្យរថយន្តធុនធំនោះ ជាន់ប្វ្រាំងដាច់កង់ ក្រឡាប់ផ្ងារជើង ហើយចាក់ផ្លែស្វាយពេញផ្លូវតែម្តង តែសំណាងល្អ មិនបណ្ដាលឲ្យមានមនុស្សរងគ្រោះថ្នាក់ឡើយ ។ ក្រោយពេលកើតហេតុ មធ្យោបាយបង្កទាំងពីរនេះ ត្រូវបានសមត្ថកិច្ចអូសយកទៅរក្សាទុក ដើម្បីរង់ចាំធ្វើការដោះស្រាយតាមនីតិវិធី ៕
មតិយោបល់