បារាំង៖កីឡាករសញ្ជាតិបារាំង Djibril Cisse មានការខកចិត្តយ៉ាងខ្លាំង ដោយការវិលត្រឡប់របស់គាត់ ទៅកាន់ Ligue 1 មិនបានដូចចិត្តដែលគ្រោងទុក។
កីឡាករវ័យ ៣២ ឆ្នាំ បានចូលរួមលេង ជាមួយនឹង SC Bastia បន្ទាប់ពី ផ្លាស់មកពីក្លិប FC Kuban Krasnodar នៅរុស្ស៊ី ដោយតាំងចិត្ត ស្វែងរកឲ្យបាន ១០០ គ្រាប់ នៅក្នុងលីកបារាំងនេះ ក៏ដូចជាអាចបង្ហាញខ្លួន ក្នុងព្រឹត្តិការណ៍ World Cup សម្រាប់បារាំងផងដែរ។
គាត់បាននិយាយប្រាប់ BeIN Sports ថា ដើម្បីឈានដល់គោលដៅ ស្វែងរកគ្រាប់បាល់ ឲ្យបាន ១០០ គ្រាប់ មុននឹងបញ្ចប់រដូវកាលនេះ គឺជារឿងដ៏អស្ចារ្យ ហើយខ្ញុំអាចមានថ្ងៃសម្រាកផងដែរ ។ តែផ្ទុយមកវិញ ខ្ញុំមិនអាចធ្វើបាន ដោយបេសកកម្ម ខ្ញុំបានបរាជ័យ និងមិនអាចចូលរួមលេងក្នុងព្រឹត្តិការណ៍ ពិភពលោកនាពេលខាងមុខបាន។
គាត់បានបន្ថែមទៀតថា គាត់ពិតជាចង់លេង ឲ្យជាតិខ្លួន សម្រាប់ព្រឹត្តិការណ៍ ពិភពលោកនៅប្រេស៊ីលខាងមុខ ។ក៏ប៉ុន្តែខ្ញុំគិតថា ពេលនេះខ្ញុំបានបរាជ័យ ជាមួយនឹងបេសកកម្មរបស់ខ្លួន៕
មតិយោបល់