រុស្ស៊ី៖ខណៈពេលដែល ឈឺពោះ ក្នុងអំឡុងពេលយន្តហោះហើរស្ត្រីវ័យ ២៥ ឆ្នាំ ម្នាក់ បានផ្តល់កំណើតឲ្យកូនស្រី ដោយសុវត្ថិភាព ។
អ្នកដំណើរនៅលើជើងយន្តហោះ Polar Airlines មានភាពភ្ញាក់ផ្អើល ខណៈដែលអ្នកស្រី Irina Vasylkova អាយុ ២៥ ឆ្នាំ សញ្ជាតិរុស្ស៊ី បានផ្តល់កំណើតឲ្យកូនស្រី នៅ Zyryanka ដោយធ្វើដំណើរពី Yakutsk ប្រទេសរុស្ស៊ី ។
នៅពេលដែលនៅលើយន្តហោះ អ្នកស្រី Irina Vasylkova ស្រាប់តែមានអារម្មណ៍ថាឈឺពោះ ហើយក៏ត្រូវបានផ្លាស់ទៅកាន់កន្លែងធំទូលាយ និងមានផាសុកភាព និងរងចាំយន្តហោះចុះចត។
តែទោះជាយ៉ាងណា អ្នកស្រី Elena អាយុ ៤៧ ឆ្នាំដែលធ្វើដំណើរតាមយន្តហោះដែរនោះ បានជួយម្តាយវ័យក្មេងនេះ ឲ្យកើតបានកូនស្រី សម្រេចនៅលើយន្តហោះ ខណៈដែលកូនម្នាក់ទៀតនៅក្នុងផ្ទៃ ត្រូវបញ្ចូនទៅកើតនៅមន្ទីរពេទ្យក្នុងតំបន់ ។
ដូចគ្នានេះដែរ ខាងក្រុមហ៊ុន Polar Airlines បានទូទាត់សង ចំពោះ Irina Vasylkova នូវចំណុចរអាករអួលមួយចំនួន ដែលមិនអាចចូលរួមចំណែកជួយនាង និង មិនគិតថ្លៃ សម្រាប់ជើងហើររបស់នាង និងកូន ២ នាក់ឡើយ៕
មតិយោបល់