ខ្សែបម្រើដែលជាគន្លឹះសំខាន់របស់ក្លិប សេះបង្កង់ Juventus បានផ្លាស់ទីទៅឆ្ងាយពីក្លិប ដោយលេចឭពាក្យចចាមអារាមថា នឹងចូលរួមលេងជាមួយនឹង PSG បន្ទាប់ពីបញ្ចប់រដូវកាលនេះ។
ខ្សែបម្រើ Paul Pogba ដែលជាកីឡាករវ័យក្មេងបំផុត នៅលើពិភពលោក បានចូលរួម លេនងោ នៅ Bianconeri បន្ទាប់ពីចាកចេញពីក្លិបបិសាចក្រហម នៅក្នុងឆ្នាំ ២០១២ ហើយក៏បានក្លាយជាកីឡាករដ៏សំខាន់ម្នាក់របស់ Juventus និងធ្វើឲ្យក្លិបធំៗមួយចំនួន ទាំងនៅអង់គ្លេស និងអឺរ៉ុប កំពុងល្បួង បញ្ចេញសាច់ដុំដាក់គ្នាផងដែរ។
របាយការណ៍ចុងក្រោយមកនេះបានបង្ហាញថា កីឡាករវ័យ ២១ ឆ្នាំ នឹងចាកចេញពី Turin ទៅកាន់ទឹកដីប្រទេសកំណើត ក្លិប PSG បន្ទាប់ពី រដូវកាលបាល់ទាត់ពិភពលោកបញ្ចប់ ។ តែទោះជាយ៉ាងណាមុននេះ ដែរ Paul Pogba បានឲ្យដឹងថា គាត់រីករាយ ណាស់ សម្រាប់ការលេងឲ្យ Juventus ហើយក៏មិនចង់ចាកចេញទៅណាដែរ។
កីឡាករសញ្ជាតិបារាំងរូបនេះ បានចេញមុខបដិសេធដោយប្រាប់ដល់សារព័ត៌មាន La Stampa ថា ខ្ញុំមិនដែល គិតឬ និយយាថា ចង់ចាកចេញពី Juventus ព្រោះទីនេះជាអនាគត់របស់ខ្ញុំ ។កីឡាកររូបនេះបានចោទសួរវិញថា តើខ្ញុំទៅណាទៀត ? ខ្ញុំគឺនៅទីនេះហើយ ៕
មតិយោបល់