អាល្លឺម៉ង់​៖ខ្សែ​បម្រើ​របស់​ក្លិប Borussia Dortmund កីឡាករ Marco Reus បានច្រានចោល​ការ​ផ្លាស់ប្តូរ​ទ្រនំ ​ទៅកាន់​ក្លិបបិសាចក្រហម Manchester United ​ដោយ​​​សម្តែងនូវការប្តេជ្ញាចិត្ត ​របស់គាត់ នៅជាមួយនឹងក្លិប ក្នុងក្របខណ្ឌ Bundesliga ។​
កីឡាករ​សញ្ជាតិ​អាល្លឺម៉ង់ រូបនេះ ត្រូវបានផ្សារ​ភ្ជាប់ ​យ៉ាង​ខ្លាំង ជាមួយនឹងក្លិបបិសាចក្រហម ​បន្ទាប់ពី​បិទ​រដូវកាល ហើយ​​តំណាង​របស់ គាត់ក៏បានទៅ​មើល ការប្រកួត រវាងបិសាចក្រហម និង ចាបលឿង ប្រកួត​កាលពីខែ​ មេសា កន្លងទៅ​នេះ ។​

Marco Reus ​នៅរដូវកាលនេះ បាន​​បង្ហាញ​​ស្នៀតលេង​ដ៏ល្អ ដោយ​ក្នុងចំណោម ៣៩ ប្រកួត រកបាន ២១ គ្រាប់ បើទោះបីជា ក្លិប Borussia Dortmund មិនបានលើកពានក្តី​ដោយសង្ឈឹមនឹងបញ្ចប់​នៅលេខរៀងទី ២ ។​ ម្យ៉ាងវិញទៀត Marco Reus ក៏ជួយ​ឲ្យក្លិបឈានដល់ វគ្គ ១៦ ក្រុមចុងក្រោយ ក្នុងក្របខណ្ឌ Champions League ។​

អតីតម្ចាស់ពានរង្វាន់ Premier League ក្លិបបិសាចក្រហម ​ដោយ​បានផ្តល់​ទឹកប្រាក់ ទិញកីឡាករវ័យ ២៤ ឆ្នាំរូបនេះ ក្នុងតម្លៃ ៣៥ លាន អឺរ៉ូ ក៏ប៉ុន្តែ​អ្នកលេង​បានបង្ហាញអារម្មណ៍ពិតរបស់ខ្លួនថា ចង់​នៅលេង​អាល្លឺម៉ង ដោយមិនចាកចេញទៅណាឡើយ​។​
កីឡាករ Marco Reus បានប្រាប់ដល់ Kicker ថា “ខ្ញុំពិតជាមានជំនឿ និងមាន​សុវត្ថិភាព ​នឹង​ត្រូវលេងឲ្យក្រាស់ក្រែល ផងដែរ សម្រាប់រដូវកាលបន្ទាប់ គឺ ឆ្នាំ ២០១៤ – ២០១៥” ៕​