បន្ទាប់ពី លើគណនីហ្វេសប៊ុករបស់ វ៉ន វីវ៉ា បានសរសេរថា “បងប្អូនខ្ញុំមានសំនួរមួយចង់សួរ តើចង់ឲ្យខ្ញុំឈប់ប្រកួត ឬនៅបន្តប្រកួតទៀត ”? សំនួរនេះ បានធ្វើឲ្យមនុស្សជាច្រើនដែលជា អ្នកតាមដាន វិស័យ កីឡា មានការភ្ញាក់ផ្អើលយ៉ាងខ្លាំង ។
ជុំវិញ សំនួរ តែគ្មានចម្លើយពីម្ចាស់ដើមនេះ ធ្វើឲ្យមានការសន្និដ្ឋាន មិនច្បាស់ លាស់ពីសំណាក់អ្នកគាំទ្រ ដោយក្នុងនោះមានខ្លឹមសារសំខាន់ៗ ដោយសំអាងទៅលើហេតុផលដូចខាងក្រោមនេះ៖
១. អ្នកប្រដាល់ របស់កម្ពុជា មានតម្លៃខ្លួនប្រកួតម្តងៗ ធូរថ្លៃជាងប្រទេសជិតខាង ។
២. បើទោះបីជាខ្លួន មានភាពល្បីល្បាញ និងជាម្ចាស់ខ្សែក្រវ៉ាត់ ISKA រួមទាំងខ្សែក្រវ៉ាត់ផ្សេងៗទៀត ក៏ដោយ តែកម្រៃដែលបានមកពីការប្រកួត វាតិចតូចណាស់ ស្ទើតែផ្គត់ផ្គង់ជិវភាពមិនរស់ ។
៣. កីឡាប្រដាល់ល្បីរបស់ បណ្តាប្រទេសជិតខាង មួយៗ ប្រកួតម្តងៗ សឹង តែដេកស៊ី មានវីឡាទំនើបៗរាប់ខ្នងតែកីឡាប្រដាល់កម្ពុជា ប្រកួតម្តង បើចង់ដេកស៊ី វាគ្មានអី ស៊ី ។
៤. យកកីឡាករល្បីល្បាញ ថ្នាក់ជាតិ មកវាយជាមួយនឹង ជ្រូក ធាត់របស់ថៃ និងកីឡាករសញ្ជាតិផ្សេងៗដោយមានក្បាច់គុណអន់ៗ ដែលមិនមែនជាកីឡាករល្បីល្បាញ ក្នុងប្រទេសគេ ។
៥. ការមិនយកចិត្តទុកដាក់ និងមិនឲ្យតម្លៃខ្លួន លើកីឡាករ ជាមួយនឹងស្ថាប័ន ដែលពាក់ព័ទ្ធ ជាពិសេស រដ្ឋាភិបាលតែម្តង ។
ជាមួយនឹងការសន្និដ្ឋាននេះ វាស្ទើរតែត្រឹមត្រូវ ទៅហើយ ព្រោះថាកន្លងមក អ្នកមានសមត្ថភាព ជាច្រើន ក្នុងវិស័យ កីឡា បែរជាមិនទទួលបាន នូវអ្វីដែលពួកគេសមនឹងទទួលបាន ដោយសារតែសំបុត្រក្រោមតុ ច្រើនពេក និងធ្វើឲ្យ វិស័យកីឡា សឹងតែគ្មានមុខលើឆាកអន្តរជាតិ ។
អ្វីដែលកាន់តែច្បាស់ជាងនេះ ទៅទៀតចំពោះការហេតុផលក្រោយខ្នងនៃការឈប់ របស់ វ៉ន វីវ៉ា ខណៈដែលគេឃើញឃ្លាមួយទៀតសរសេរថា “អ្នកប្រដាល់ចង់បានតម្លៃខ្លួន តែតម្លៃខ្លួនទាបនៅបន្តធ្វើអ្វី ខ្ញុំស្រលាញ់កម្ពុជា ហើយខ្ញុំស្រលាញ់គុណខ្មែរ ប្រដាល់សេរី” ។ នេះវាកាន់តែសបញ្ជាក់ថា ហេតុផលតែមួយគត់របស់ វ៉ន វីវ៉ា គឺដោយសារតែតម្លៃខ្លួន មិនសមនឹងកេរ្តិ៍ឈ្មោះ ។
គួរបញ្ជាក់ផងដែរថា វ៉ន វីវ៉ា ទើបផ្ដួលកីឡាករ ជើងខ្លាំងថៃ Lamphum Sor Kamsing ឲ្យសន្លប់ស្អាត ត្រឹមទឹកទី២ កាលពីចុងសប្ដាហ៍មុន ហើយទទួលបានការរិះគន់ពីអ្នកលេងបណ្តាញហ្វេសប៊ុកមិនតិចនោះទេ ដោយគេគិតថា យកកីឡាករល្បីល្បាញថ្នាក់ជាតិ វ៉ន វីវ៉ា មកវាយជាមួយនឹងជ្រូកធាត់របស់ថៃវាមិនសម ៕
មតិយោបល់