អង់គ្លេស៖ខ្សែប្រយុទ្ធតោខៀវ Chelsea កីឡាករ Samuel Eto’o បានថាឲ្យ Jose Mourinho គឺជាមនុស្សឆ្កួត ហើយប្រហែលគាត់នឹងមិនបន្តលេងឲ្យពហុកីឡដ្ឋាន Stamford Bridge នៅរដូវកាលក្រោយផងដែរ។
កីឡាករវ័យ ៣៣ ឆ្នាំ ដែលបានចូលរួមលេងឲ្យតោខៀវ ក្នុងឆ្នាំ ២០១៣ ហើយកុងត្រារបស់ខ្លួនលេង ជាមួយនឹងក្លិប ក្នុងរយៈពេល ១ ឆ្នាំ ដូចនេះ គាត់មិននឹងពង្រីកកុងត្រា ជាមួយនឹង ក្លិប ឡើយ។
អ្នកចាត់ការទូទៅក្លិបតោខៀវ Jose Mourinho ធ្លាប់បាននិយាយបែបកំប្លែង ប្រាប់ស្ថានីយ៍ ទូរទស្សន៍ Canal Plus របស់បារាំងថា “ចូលមកដល់ខែ កុម្ភៈខាងមុខ កីឡារករ Samuel Eto’o កាន់តែជ្រេ ដូចនេះ តោខៀវនឹងមានបញ្ហា ដោយកង្វះកីឡាករខ្សែប្រយុទ្ធ “។
កីឡាករ វ័យ ៣៣ ឆ្នាំ រូបនេះ ហាក់ដូចជាខឹង ខណៈដែល Jose Mourinho ដោយបានប្រាប់ដលសារព័ត៌មាននានា ថា “វាដូចជាល្ងីល្ញើ ដែលហៅខ្ញុំថាជាបុរសចាស់ ក៏ប៉ុន្តែអ្នកភ្លេចថា បុរសចាស់ វាល្អជាងក្មេងៗច្រើនណាស់” ។
កីឡាកររូបនេះ បានបន្តថា មនុស្សជាច្រើនជឿជាក់ថា ខ្ញុំនឹងចូលនិវត្តន៍ នៅ សហរដ្ឋអាមេរិក ឬ នៅមជ្ឈឹមបូព៌ា ក៏ប៉ុន្តែមិនដូច្នោះទេ ខ្ញុំនឹងលេងបន្តនៅក្នុងក្របខណ្ឌ Champions League បន្ត។ សួរថា ទីណាដែលខ្ញុំគួរតែត្រូវទៅ ? នៅពេលនេះ ខ្ញុំមិនប្រាប់នោះទេ ខណៈដែលអារម្មណ៍ និងរាងកាយ នៅអាចលេងក្នុងវិស័យកីឡាបាល់ទាត់បាន ៕
មតិយោបល់