ក្រុមហ៊ុនផលិតរថយន្តអាមេរិក General Motors Co (GM) ត្រូវបានផាកពិន័យជាទឹកប្រាក់ចំនួន ៣៥លានដុល្លារអាមេរិក សម្រាប់ការយឺតយ៉ាវក្នុងការប្រមូលរថយន្ត និងជាមួយនឹងកំហុសឆ្គងប្ដូរបញ្ឆេះរថយន្ត។
ក្រុមហ៊ុន GM បាននិយាយថា ខ្លួនបានចាប់ផ្ដើមពិនិត្យឡើងវិញនូវដំណើរការ និងគោលនយោបាយរបស់ខ្លួនដើម្បីជៀសវាងការពន្យារពេលសម្រាប់ពេលអនាគត ដែលនៅពេលនេះក្រុមហ៊ុនបានប្រកាសប្រមូលរថយន្ត ២,៦លានគ្រឿងដែលជួបនូវបញ្ហា និងបានសម្លាប់មនុស្ស ១៣នាក់ របួស ២នាក់។
ក្រុមប្រឹក្សាភិបាលរដ្ឋបាលសុវត្ថិភាពចរាចរណ៍ផ្លូវហាយវេជាតិបានឲ្យដឹងថា វាជាការពិន័យខ្ពស់បំផុតតែមួយដែលមិនធ្លាប់មាន ទៅតាមលទ្ធផលនៃការស៊ើបអង្កេតក្នុងការប្រកាសប្រមូល។
លេខាធិការដឹកជញ្ជូនអាមេរិកបាននិយាយថា “សុវត្ថិភាពគឺជាអាទិភាពកំពូលរបស់យើងហើយសេចក្តីប្រកាសនៅថ្ងៃនេះបានធ្វើឲ្យក្រុមហ៊ុនផលិតរថយន្តទាំងអស់ ត្រូវមានភាពទទួលខុសត្រូវ ជាពិសេសត្រូវដោះស្រាយពិការភាព ដែលទាក់ទងនឹងសុវត្ថិភាពបានយ៉ាងឆាប់រហ័ស”។
នៅក្នុងសេចក្ដីថ្លែងការ ក្រុមហ៊ុន GM បានយល់ព្រមទៅលើការស៊ើបអង្កេតរបស់ក្រុមប្រឹក្សាភិបាលរដ្ឋបាលសុវត្ថិភាពចរាចរណ៍ផ្លូវហាយវេជាតិ៕
មតិយោបល់