​ទីក្រុង​ឡុង​ដ៍​៖ កាលពី​រាត្រី​យប់មិញ​នេះ វេលា​ម៉ោង ១១ និង ០០ នាទី ក្លិប Arsenal បានឈ្នះ​ភ្ញៀវ Hull City ទាំង​គ្រាប់​បាល់​តាម​ពីក្រោយ​ប្រផិតប្រផើយ ៣ – ២ លើ​កពាន FA Cup ដូច​បំណង​គ្រោងទុក បន្ទាប់​ពី​អាកខាន ៩ ឆ្នាំ​លើក​ពាន​នេះ ដោយពាន​ដំបូង​ឈ្នះ បិសាច​ក្រហម​ក្នុង​វគ្គ​ចុងក្រោយ ឆ្នាំ ២០០៥ ពី​ការ​ស៊ុត​ប៉េណ័ល​ទី ។​

​វា​ជា​រឿង​មួយ​គួរឲ្យ​កត់សម្គាល់​សម្រា​ប់ Hull City ដែល​អាច​រក​គ្រាប់​បាល់​នាំមុខ នៅ​នាទី ទី ៤ ដោយ​កីឡាករ Chester និង ៥ នាទី​ក្រោយ​នៅ​នាទី ទី ៩​ដោយ​កីឡាករ Davies ។ តែ​ទោះជា​យ៉ាងណា ៨ នាទី​ក្រោយ នៅ​នាទី ១៧ កីឡាករ Cazorla បាន​ជួយ​ឲ្យ​កាំភ្លើង​ធំ​បំបែក​ពងមាន់​ក្លិប Hull City បានសម្រេច ។ នៅ​តង់​ទី ១ នេះ បើទោះបីជា​កាំភ្លើង​ធំ វាយលុក​យ៉ាងណា ក៏​មិន​អាច​ធ្វើ​ទៅ​រួច​ដែរ​ខណៈ​ដែល Hull City មានឱកាស​ជាច្រើនលើក​ច្រន​សារ និង​ចាញ់​ដោយ​លទ្ធផល​បណ្តោះអាសន្ន ៣ – ១ ។​ចូលមក​ដល់​តង់​ទី ២ ក្លិប​ទាំងពីរ មិន​អាច​ធ្វើ​អ្វី​គ្នា កើត និង​ឈាន​ដល់​នាទី ៧១ ទើប Koscielny ជួយ​ឲ្យ Arsenal តាម​ស្មើ ដោយ​ការ​បែរ​ខ្លួន​ស៊ុត​ទាំង​គ្រោះថ្នាក់​នៅ​មុខ​ទី Hull City ខណៈ​ដែល​គ្រាប់​បាល់​ទី ១ បាន​ពី​ការ​ស៊ុត​ហ្វ្រី​ហ្គិត​ចម្ងាយ ៣០ យ៉ាដ របស់ Cazorla ។​

​លទ្ធផល ២ – ២ ស្មើ នេះ​វា​កាន់តែ​ធ្វើឲ្យ Arsenal បុក​ពោះ ខណៈ​ដែល​បន្ថែម​ម៉ោង ១៥ នាទី តែ​សំណាងល្អ កីឡាករ Ramsey ធ្វើ​បាន​សម្រេច​ដោយ​ឈ្នះ​ក្នុង​លទ្ធផល ៣ – ២ នៅ​នាទី ១០៩ និង​ជា​គ្រាប់​បាល់​ចុង​ក្រោយ​ជួយ​ឲ្យ កាំភ្លើង​ធំ​លើ​កពាន FA Cup ដោយ​សុវត្ថិភាព ៕​
ទស្សនា​វីដេអូឃ្លិបដូចខាង​ក្រោមនេះ៖

https://i1272.photobucket.com/albums/y389/domneng/2013-04/Lingering/393327hp2_zps2c216a0b.jpg