​អេ​ស្ប៉ាញ​៖​ក្លិប Atletico Madrid បាន​បញ្ជាក់​ពី​ភាពខ្លាំង​របស់ខ្លួន ដោយ​លើក​ពាន La Liga របស់អេ​ស្ប៉ាញ ជា​លើកដំបូង ក្នុង​រយៈពេល ១៨ ឆ្នាំកន្លងមក បន្ទាប់​ពី​តាម​ស្មើ​ក្លិប អ្នក​មាន​បុណ្យ Bacelona ១ – ១ នៅ​ពហុ​កីឡដ្ឋាន Nou Camp នា​រាត្រី​យប់មិញ​នេះ​។​

​ឱកាស​បំប៉ោង​សំណាញ់​ជាច្រើន​របស់ ក្លិប​ទាំងពីរ ខណៈ​ដែល​បើក​ឆាក​ដំបូង និង​ឈាន​ដល់​នាទី ទី ៣៣ អ្នក​មាន​បុណ្យ Bacelona ធ្វើ​បាន​សម្រេច ដោយ​ការ​បំប៉ោង​សំណាញ់​ដ៏​អស្ចារ្យ​របស់ Sanchez នៅពេលដែល Messi ដក់​ទ្រូង​ទម្លាក់​ចុះ និង​ជា​ឱកាស​ដែល កីឡាករ រូបនេះ ទម្លុះ​សំណាញ់​មួយ​កែង​ជ្រុង​តែម្តង​។​

​តែ​ទោះជា​យ៉ាងណា​ក្រោម​ទម្រង់​លេង​របស់​គ្រូបង្វឹក Diego Simeone ដែល​ជា​គ្រូបង្វឹក​ដ៏​អស្ចារ្យ​របស់ Atletico Madrid បាន​រៀបចំ​យុទ្ធសាស្ត្រ​ថ្មី ក៏​មាន​ឱកាស​ស៊ុត​បាល់​ពិន័យ​ពី​កែង​ដោយ Gabi និង​តែ​ត​បំប៉ោង​សំណាញ់ ដោយ​កីឡាករ Diego Godin ដែល​ធ្វើឲ្យ អ្នក​ចាំទី Joes Manuel Pinto មិន​អាច​បោះដៃ​ក្លៀរ​បាល់​កើត​នៅ​នាទី ៤៩​។​
​ត្រឹម​តែ​លទ្ធផល ស្មើ ១ – ១ នេះ វា​គឺជា​លទ្ធផល​មួយ ដែល​អាច​ធានា​សុវត្ថិភាព ក្លិប Atletico Madrid លើ​កពាន La Liga ខណៈ​ដែល ៤០ នាទី ក្រោយ​ក្លិប​ទាំង​ពីរ​មិន​អាច​ធ្វើ​អ្វី​គ្មា​បាននោះ ។

​នេះ​គឺជា​លើក​ទី ១ ហើយ ក្នុង​រយៈពេល ១៨ ឆ្នាំ​ចុងក្រោយ ដែល Atletico Madrid លើ​កពាន La Liga សបញ្ជាក់​ភាពខ្លាំង​របស់ខ្លួន ទៅកាន់​ពិភពលោក ឲ្យបាន​ដឹង និង​ចង់​បញ្ជាក់​ពី យុទ្ធសាស្ត្រ​ដឹកនាំ​លេង​របស់ Diego Simeone នៅ​រដូវ​កាល​នេះ​។ លើសពីនេះ បើសិនជា ក្លិប Atletico Madrid អាចធ្វើ​បាន​ទៅ​រួច​ទៀត ដោយ​លើក​ពាន Champions League ដែល​ត្រូវ​ប្រកួត​វគ្គ​ចុងក្រោយ ជាមួយនឹង អធិរាជ​ស Real Madrid នៅ​ថ្ងៃ​ទី ២៥ នោះ​នឹង​ធ្វើឲ្យ​ក្លិប​អេ​ស្ប៉ាញ​ជាច្រើន​កាន់តែ​ខ្លប់ខ្លាច យុទ្ធសាស្ត្រ​បុរស Diego Simeone ជាក់​ជា​មិនខានឡើយ​៕
​ទស្សនា​វីដេអូ​ឃ្លិប​ដូចខាងក្រោម​នេះ​៖
​

https://i1272.photobucket.com/albums/y389/domneng/2013-04/Lingering/diego-godin-celebrates-atletico-madrid-barcelona_3143332_zpsa1187179.jpg