អេស្ប៉ាញ៖ កីឡាករវ័យ ២៩ឆ្នាំ សញ្ជាតិព័រទុហ្គាល ដែលរងរបួសសរសៃពួរជើង បន្ទាប់ប្រកួតស្មើ ជាមួយនឹងក្លិប Real Valladolid កាលពីថ្ងៃទី ៧ ខែ ឧសភា ឆ្នាំ ២០១៤ កន្លងទៅនេះ ហើយក៏ត្រូវបានគេរំពឹងថា នឹងបញ្ចូលឲ្យលេង ជាមួយនឹង Espanyol កាលពីរាត្រីថ្ងៃសៅរ៍ម្សិលមិញ ។
ទោះបីជាគ្រោងទុកនឹងបង្ហាញខ្លួនលេង ជាមួយនឹង ក្លិប Espanyol ក៏ប៉ុន្តែរបួសសរសៃពួរជើង បានរើឡើងវិញ ក្នុងអំឡុង កម្តៅសាច់ដុំ និង មិនត្រូវបានអ្នកចាត់ការទូទៅ អនុញ្ញាតិឲ្យលេងឡើយ។
របួសចុងក្រោយរបស់ Ronaldo ត្រូវបានគេសង្ស័យថា នឹងមិនអាចបង្ហាញខ្លួន លេង ក្នុងវគ្គផ្តាច់ព្រ័ត្រ នាក្របខណ្ឌ Champions League ដែលប៉ះជាមួយនឹង Atletico នៅថ្ងៃទី ២៥ ឧសភា ខាងមុខ ។
អតីតអ្នកលេងដ៏អស្ចារ្យក្លិបបិសាចក្រហម រូបនេះត្រូវការគ្រាប់បាល់តែ ១ គ្រាប់ យ៉ាងច្រើន ក្នុងក្របខណ្ឌ La Liga ដោយសរុបនឹងបាន ៣២ គ្រាប់ ដើម្បីទទួលបានទ្រនាប់ជើង មាស ប្រជែងជាមួយនឹងខ្សែប្រយុទ្ធហង្សក្រហម Liverpool កីឡាករ Luis Suarez ដែលបច្ចុប្បន្នកាលមាន ៣១ គ្រាប់ ៕
មតិយោបល់