មានការប្រទូសសារាយមួយបានកើតឡើងនៅលើផ្លូវរថភ្លើងក្រោមដីក្នុងទីក្រុងតៃប៉ិ នៅថ្ងៃពុធនេះ ដែលបណ្ដាលឲ្យស្លាប់មនុស្ស ៣នាក់ និង ២៥នាក់ផ្សេងទៀតបានរងរបួស។ នេះបើយោងតាមការចុះផ្សាយរបស់គេហទំព័រ Channel News Asia នៅល្ងាចថ្ងៃនេះ។
ប៉ូលិសបាននិយាយថា ក្រោយពីកើតមានហេតុការណ៍ប្រទូសសារាយគ្នានេះ បានឃាត់ខ្លួនបុរសម្នាក់វ័យ ២១ឆ្នាំ ជាសិស្សវិទ្យាល័យ ហើយនេះជាលើកដំបូងហើយដែលកើតមានការវាយប្រហាររហូតដល់មានមនុស្សនៅលើដងផ្លូវរថភ្លើងក្រោមដី ចាប់តាំងពីដាក់ឲ្យដំណើរការតាំងពីឆ្នាំ ១៩៩៦។
ប៉ូលិសនៅមិនទាន់ធ្វើការសន្និដ្ឋានពីហេតុការណ៍បាននោះទេ ហើយបុរសដែលបានឃាត់ខ្លួននោះក៏មិនប្រាកដថាជាអ្នកប្រព្រឹត្តផងដែរ។ បើតាមសំដីរបស់សមត្ថកិច្ចបានឲ្យដឹងថា មានបុរសម្នាក់បានវាយប្រហារទៅលើអ្នកដំណើរដែលបានជិះនៅក្នុងរថភ្លើងក្រោមដី ភ្លាមនោះមនុស្សជាច្រើនបាននាំគ្នាស្រែក និងភៀសខ្លួន។
មនុស្ស ៣នាក់ដែលបានស្លាប់នោះ ត្រូវបានប៉ូលិសបញ្ជាក់ថា ជាស្ត្រីម្នាក់ និងបុរស២នាក់ ប៉ុន្តែនៅពុំទាន់ស្គាល់អត្តសញ្ញាណនោះទេ។
គួរបញ្ជាក់ផងដែរថា នៅលើផ្លូវរថភ្លើងក្រោមដីមួយនេះ មានអ្នកដំណើរការប្រមាណជា ១,៨៥លាននាក់ក្នុងមួយថ្ងៃ ដូច្នេះហើយនៅពេលនេះ ប៉ូលិសបានបន្ថែមកម្លាំងយាមល្បាតដើម្បីការពារសន្ដិសុខ៕
មតិយោបល់