ភ្នំពេញ៖ស្ត្រីម្នាក់បានដួលម៉ូតូច្រងាប់ច្រង៉ិលបណ្ដាលឲ្យរងរបួសដៃឆ្វេងយ៉ាងដំណំដោយសារតែចោរ១ក្រុមមានគ្នា២នាក់ជិះម៉ូតូ១គ្រឿងដេញតាមឆក់យកកាបូបស្ពាយនៅក្នុងខណៈពេលដែលនាងកំពុងជិះម៉ូតូ១គ្រឿងធ្វើដំណើរតាមផ្លូវតែម្នាក់ឯងកាលពីវេលាម៉ោង៩និង៣០នាទី យប់ថ្ងៃទី ២១ ខែឧសភា ឆ្នាំ២០១៤ នៅតាមបណ្ដោយ មហាវិថីសហព័ន្ធរុស្ស៊ី ត្រង់ចំណុចមុចខអធិការដ្ឋាននគរបាល ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះឈ្មោះ ថន ភេទស្រី អាយុ២៨ឆ្នាំ មុខរបរជាបុគ្គលិកក្រុម ហ៊ុនធ្វើវីហ្សា រស់នៅក្នុងភូមិព្រៃជីសាក់ សង្កាត់ចោមចៅ ខណ្ឌពោធិ៍សែនជ័យ ។ ស្ត្រីរងគ្រោះរូបនោះបានប្រាប់ប៉ូលីសថានៅក្នុងកាបូបនោះ មានលុយចំនួន៣០ដុល្លារ កាតគ្រីម៉ូតូ អត្តសញ្ញាណប័ណ្ណ ទូរ ស័ព្ទដៃចំនួន២គ្រឿងគឺម៉ាកណូកគាអិនចុចពិល១គ្រឿង ម៉ាកសាមស៊ុងកាឡាក់ស៊ីហ្គ្រែន១គ្រឿងព្រមទាំង ឯកសារនានាមួយចំនួនទៀតផង។ នៅមុនពេលកើតហេតុ នាងបានជិះម៉ូតូ១គ្រឿងម៉ាកហុងដាឌ្រីមសេ១២៥ ស៊េរី ឆ្នាំ២០០៥ ពណ៌ខ្មៅពាក់ស្លាកលេខកំពង់ចាម 1A-4333 តែម្នាក់ឯងធ្វើដំណើរក្នុងទិសដៅកើតទៅលិច តែ ម្នាក់ឯងចេញពីកន្លែងធ្វើការឆ្ពោះទៅផ្ទះឯភូមិព្រៃជីសាក់សង្កាត់ចោមចៅ។
លុះពេលទៅដល់ត្រង់ចំណុចកើតហេតុស្រាប់តែមានចោរ២នាក់បានជិះម៉ូតូ១គ្រឿងម៉ាកហុងដាឌ្រីមសេ១២៥មិនចាំស៊េរីនិងស្លាកលេខតាមនាងពីក្រោយប៉ុន្តែនាងមិនបានចាប់អារម្មណ៌ថាជាចោតនោះឡើយដោយនឹកស្មានថាជាអ្នកដំណើរធម្មតាប៉ុណ្ណោះ។ហើយបន្ទាប់ពីជិះទៅដល់ក្បែរនាងពួកចោរបានធ្វើសកម្មភាពឆក់យកកាបូបបណ្ដាលឲ្យនាងដួលម៉ូតូរងរបួសដៃហើយចោរនោះបានជិះម៉ូតូគេចខ្លួនទៅបាត់ស្រមោលតែម្ដង៕
មតិយោបល់