ភ្នំពេញ៖យុវជនម្នាក់ជិះម៉ូតូ១គ្រឿងក្នុងល្បឿនលឿនមិនប្រយ័ត្នបានធ្លាក់ផ្លូវបណ្ដាលឲ្យផ្លាត ជ្រុលទៅបុកដុំថ្មធំ១ដុំបណ្ដាលឲ្យដួលរងរបួសបាក់ដៃឆ្វេងធ្ងន់ធ្ងរនិងត្រូវបានគេបញ្ជូនតាមរថយន្តសង្គ្រោះឃឹមរ៉ានីទួលគោកទៅកាន់មន្ទីរពេទ្យកាល់ម៉ែតដើម្បីសង្គ្រោះបន្ទាន់ភ្លាមៗចំណែកម៉ូតូត្រូវសមត្ថកិច្ចប៉ូលីសនាំយកទៅរក្សាទុកឲ្យបណ្ដោះអាសន្ន។ហេតុការណ៌នោះបានកើតឡើងកាលពីវេលាម៉ោង ៩និង៤០នាទី យប់ថ្ងៃទី២២ ខែ ឧសភា ឆ្នាំ២០១៤ នៅលើផ្លូវបេតុង នៅត្រង់ចំណុចមុខរោងចក្រកាត់ ដេរលីអូរ ស្ថិតនៅក្នុងភូមិព្រៃទា សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។យុវជនរងគ្រោះខាងលើមិនត្រូវបានគេស្គាល់ឈ្មោះ នោះទេដែលតាមការសន្និដ្ឋានជនរងគ្រោះរូបនោះមានអាយុប្រហែលជាង២០ឆ្នាំហើយគេបានជិះម៉ូតូ១គ្រឿង ម៉ាកហុងដាឌ្រីម សេ១១០ ស៊េរីឆ្នាំ២០១២(អាសង់ប៊ិច) ពណ៌ ខ្មៅ ពាក់ស្លាកលេខភ្នំពេញ 1CH-5487 ។
តាមប្រភពព័ត៌មានបានឲ្យដឹងថានៅមុនពេលកើតហេតុជនរងគ្រោះរូបនោះបានជិះម៉ូតូធ្វើដំណើរក្នុងទិសដៅពីកើតទៅលិចក្នុងល្បឿនលឿនហើយនៅពេលទៅដល់ត្រង់ចំណុចកើតហេតុក៍បានធ្លាក់ផ្លូវផ្លាតចង្កូតជ្រុលទៅបុកដុំថ្ម១ដុំធំនៅតាមផ្លូវបណ្ដាលឲ្យដួលរងរបួសបាក់ដៃឆ្វេងបែបនេះតែម្ដងហើយក្រោយពេលកើតហេតុជនរងគ្រោះត្រូវបានគេបញ្ជូនតាមរថយន្តពេទ្យឃឹមរ៉ានីទួលគោកទៅសង្គ្រោះបន្ទាន់ មន្ទីរពេទ្យ កាល់ម៉ែត ៕
https://i1272.photobucket.com/albums/y389/domneng/2013-04/Lingering/D1_zpsb41ec187.png
https://i1272.photobucket.com/albums/y389/domneng/2013-04/Lingering/D2_zps10bec45b.png
មតិយោបល់