ក្រោយពីប្រកាសធ្វើរដ្ឋប្រហារពីសំណាក់ប្រមុខកងទ័ពជើងគោក លោកប្រាយុទ្ធ ចាន់អ៊ូឆា កាលពីល្ងាចថ្ងៃទី២២ខែឧសភា ម្សិលមិញនេះ នៅព្រឹកថ្ងៃនេះ មេបញ្ជាការ កម្លាំងយោធាដែលកំពុងគ្រប់គ្រងប្រទេសថៃ បានកោះអញ្ជើញ លោកស្រី យីងឡាក់ និងសមាជិកសំខាន់ចំនួន ២០នាក់ នៃគណបក្សភឿថៃ មកជួបនៅទីបញ្ជាការដ្ឋានកងទ័ពជើងគោក។
ការធ្វើរដ្ឋប្រហារនេះ បានធ្វើឲ្យអាមេរិកមានការខកចិត្តយ៉ាងខ្លាំង ព្រោះថា កាលពីថ្មីៗនេះ អាមេរិកបាននិយាយថា ការចេញទ័ព និងការដាក់ប្រទេសនៅក្នុងរបបសឹកនោះនៅថៃមិនមែនជាការធ្វើរដ្ឋប្រហារនោះទេ ប៉ុន្តែនៅល្ងាចថ្ងៃទី២២ខែឧសភា ម្សិលមិញនេះ ប្រមុខកងទ័ពជើងគោក លោកប្រាយុទ្ធ ចាន់អ៊ូឆា បានប្រកាសធ្វើរដ្ឋប្រហារ។
គួរបញ្ជាក់ផងដែរថា ទំនាក់ទំនងរវាងអាមេរិក និងថៃ ត្រូវបានគេមើលឃើញថា មានវ័យចំណាស់ជាងគេនៅក្នុងតំបន់អាស៊ី ហើយអាមេរិកតែងជួយថៃជានិច្ច ប៉ុន្តែមិននឹកស្មានថា នៅពេលនេះ ថៃធ្វើឲ្យអាមេរិកខកចិត្តទៅវិញ៕
មតិយោបល់