ភ្នំពេញ ៖ ក្មេងស្ទាវ២ក្រុមបានបង្កអោយការភ្ញាក់ផ្អើលដោយពួកគេបើកសុទ្ធតែរថយន្តទំនើបៗបានដេញវាយគ្នានៅមុនហាងម៉ាស្ទឺស៊ុបគីស៊ុប តាមបណ្តោយផ្លូវព្រះសុធារស់ យ៉ាងអានាធិបតេយ្យកាលពីវេលាម៉ោង ៩និង២០នាទីយប់ថ្ងៃទី២២ខែឧសភាឆ្នាំ២០១៤ ស្ថិតក្នុងសង្កាត់ចតុមុខ ខណ្ឌដូនពេញ។
ហេតុការណ៍ខាងលើនេះត្រូវបានប្រភពព័ត៌មានឃើញមុនដំបូងបានអោយដឹងថា គេបានឃើញរថយន្តរ៉េងរ៉ូវើ ស៊េរីទំនើបមួយគ្រឿងដែលសុទ្ធតែក្រុមក្មេងស្ទាវនៅក្នុងរថយន្តនោះបើកប្រដេញគ្នាជាមួយរថយន្តមួយគ្រឿងទៀតម៉ាកលុចស៊ីស RX350 ដែលធ្វើដំណើរតាមបណ្ដោយផ្លូវព្រះសុធារស់ រហូតមកដល់ទល់មុខហាងម៉ាស្ទឺស៊ូគីស៊ុប ក៏ក្រុមក្មេងស្ទាវទាំងនោះឈប់រថយន្តចុះមកដេញវាយគ្នាបង្កអោយមានការភ្ញាក់ផ្អើលដល់សមត្ថកិច្ចចុះអន្តរាគមន៍ភ្លាមៗធ្វើអោយភាគីខាងបង្កឡើងរថយន្តបើកគេចខ្លួនបាត់ស្រមោលភ្លាមៗនៅសល់តែភាគីខាងរងគ្រោះក៏មានរងរបួសបែកក្បាលម្នាក់ផងដែរ។
សមត្ថកិច្ចបានអោយដឹងថា ចំពោះហេតុការណ៍ខាងលើនេះគឺផ្ដើមឡើងដោយការទើសពាក្យសំដីគ្នាកុងគ្នាទៅវិញទៅមក ទើបឈានដល់ការប្រទុសសារ៉ាយបែបនេះតែម្ដង។ បន្ទាប់ពីកើតហេតុភាគីខាងរងរបួសមិនបានដាក់ពាក្យប្ដឹងឡើយព្រោះបាននិយាយថា ភាគីខាងបង្កដែលជិះរថយន្តរ៉េងរ៉ូវើខាងលើ ក៏ត្រូវជាមិត្តភ័ក្តិ អញ្ចឹងគេចង់អោយមកធ្វើការសម្របសម្រួលគ្នាវិញវាល្អជា ព្រោះវាមិនចង់មានរឿងវែងឆ្ងាយតទៅមុខទៀត៕
មតិយោបល់