ប្រមុខកងទ័ពថៃ បានគំរាមដល់អ្នកប្រើប្រាស់បណ្ដាញទំនាក់ទំនងសង្គមនៅក្នុងប្រទេសថា នឹងបិទគេហទំព័រ និងសេវាកម្មផ្សេងៗ បើសិនជាអ្នកប្រើបញ្ចេញមតិរិះគន់ដល់កងទព័រដែលបានធ្វើរដ្ឋប្រហារ។
កាលពីដើមសប្ដាហ៍នេះ កងទ័ពថៃបានកាន់កាប់ស្ថានីយទូរទស្សន៍ចំនួន ១៤ និងវិទ្យុជាង ៣.០០០នៅក្នុងប្រទេស ដោយបានដាក់ប្រទេសនៅក្នុងច្បាប់អាជ្ញាសឹក បើទោះបីជាការផ្សាយតាមរយៈ YouTube ក៏ត្រូវបិទដែរ។
ប្រមុខកងទ័ពថៃក៏បានកោះហៅបណ្ដាក្រុមហ៊ុនផ្ដល់សេវកម្ម ISP ឲ្យដឹងពីបញ្ហានេះផងដែរ ព្រោះដើម្បីទប់ស្កាត់ និងបង្កាទុកជាមុន។ ថៃមិនបានខ្លាចញញើតក្នុងការបិទបណ្ដាញទំនាក់ទំនងសង្គមឡើយ ព្រោះថាកាលពីឆ្នាំ ២០០៦ ប្រទេសមួយនេះ បានបិទគេហទំព័រ YouTube ម្ដងរួចទៅហើយដោយពាក់ព័ន្ធការផ្សាយប៉ះពាល់ដល់គ្រួសាររាជវង្ស ជាពិសេសគឺស្ដេចតែម្ដង ហើយក្រោយមក Facebook Page ចំនួន ១០.០០០ក៏ត្រូវបានបិទផងដែរ ក្នុងលក្ខណៈដូចគ្នា។
គួរបញ្ជាក់ផងដែរថា គិតត្រឹមថ្ងៃនេះ ចំនួនអ្នកប្រើប្រាស់ Facebook នៅក្នុងប្រទេសថៃមានចំនួន ២៥លាននាក់ និងអ្នកប្រើកម្មវិធី LINE មានចំនួនជាង ២០លាននាក់ ប៉ុន្តែអ្នកប្រើ Twitter មិនត្រូវបានបញ្ជាក់ឡើយ៕
មតិយោបល់