ភ្នំពេញ ៖ បុរសម្នាក់បានបើករថយន្តមួយគ្រឿងម៉ាក ឡិចស៊ីស RX ៣៥០ ដែលបើកបរក្នុងល្បឿនលឿន ដោយបើកវាក់អឺជាមួយម៉ូតូមួយគ្រឿងក៏បានជ្រុលចង្កួនទៅបុកនិងបង្គោលភ្លើងបណ្តាលឲ្យរថយន្តរងការខូចខាត់មួយកំណាត់ខាងផ្នែកខាងឆ្វេងយ៉ាងដំណំ កាលពីវេលាម៉ោង១១និង៣០នាទីយប់ថ្ងៃទី២៤ខែឧសភាឆ្នាំ២០១៤ ស្ថិតនៅក្បែរសាលាបឋមសិក្សា ទួលសង្កែ តាមបណ្ដោយផ្លូវ៩០៧ ក្នុងសង្កាត់ទួលសង្កែ ខណ្ឌឫស្សីកែវ។
យោងតាមប្រភពព័ត៌មានពីប្រជាពលរដ្ឋដែលបានឃើញហេតុការណ៍នេះបានអោយដឹងថា គាត់បានឃើញបុរសម្នាក់បានបើករថយន្តលុចស៊ីស RX350 មួយគ្រឿង ពណ៌ស មិនមានស្លាកលេខ បានធ្វើដំណើរតាមបណ្ដោយផ្លូវលេខ៩០៧ ក្នុងទិសដៅពីជើងទៅត្បូង ខណៈមកដល់ផ្លូវកាងក្បែរសាលាបឋមសិក្សាទួលសង្កែ ដោយបើកក្នុងល្បឿនលឿនពេកក៏បានគេចជាមួយម៉ូតូមួយគ្រឿងទៀតមិនស្គាល់ម៉ាកដែលបើកបរទិសដៅបញ្ច្រាស់គ្នា ធ្វើអោយរថយន្តបួងចង្កូតជ្រុលទៅបុកនិងបង្គោលភ្លើងមួយដើមយ៉ាងពេញទំហឹងធ្វើអោយរថយន្តលុចស៊ីសរងការខាតមួយជំហៀងខាងឆ្វេង ខ្ទេចស្ទើរទាំងស្រុង សំណាងមិនបណ្ដាលអោយអ្នកបើកបររងរបួសព្រោះដោយសាររថយន្តផ្ទុះពោងសុវត្តិភាពទាន់ពេលវេលា។
បន្ទាប់ពីកើតហេតុម្ចាស់រថយន្តខាងលើបានចុះចេញពីរថយន្ត ទូរស័ព្ទហៅមិត្តភ័ក្តិអោយមកទទួលយកហើយទុករថយន្តនៅកន្លែងកើតហេតុ។ភ្លាមៗសមត្ថកិច្ចមូលដ្ឋានបានចុះមកដល់កន្លែងកើតហេតុក៏បានទំនាក់ទំនងទៅសមត្ថកិច្ចជំនាផ្នែកចរាចរចុះមកធ្វើការវាស់វែងយករថយន្តបង្កនេះទៅរក្សាទុកនៅការិយាល័យចរាចរជើងគោកនៃស្នងការដ្ឋាននគរបាលរាជធានីភ្នំពេញរង់ចាំធ្វើការដោះស្រាយតាមនីតិវិធីច្បាប់៕
មតិយោបល់