ពេលវេលាក្នុងមួយពិតជាតិចណាស់ គ្រាន់តែអ្នកចំណាយពេលវលាទៅលើការងារស្ទើរតែអស់ទៅហើយ ចុះមានពេលឯណាសម្រាប់បង្កើតមិត្តស្នេហាឲ្យស្អិតរមួតនោះ ប្រសិនបើអ្នករវល់លេងហ្វេសប៊ុក។ តើអ្នកមានទម្លាប់ធ្វើអ្វីមុនគេពេលក្រោយពីគេង? សម្រាប់មនុស្សភាគច្រើនបើកភ្នែកមិនទាន់ច្បាស់ជាលេងហ្វេសប៊ុកទៅហើយ ចំណុចមួយនេះធ្វើឲ្យមនុស្សសំខាន់ៗរបស់ពួកគេត្រូវខូចចិត្ត និងបានបំផ្លាញទំនាក់ទំនងស្នេហាដ៏រ៉ូមែនទិចរបស់ពួកគេ។ វាមិនមែនដោយសារតែហ្វេសប៊ុកទេ ដែលបំផ្លាញដល់ទំនាក់ទំនងស្នេហារបស់ពួកគេនោះ តែវាជាអាកប្បកិរិយាញៀនដែលចងភ្ជាប់មនុស្សឲ្យបាត់បង់ពេលវេលាដ៏ធំមួយ ការញៀនបែបនែះធ្វើឲ្យស្នេហាពោរពេញទៅដោយបញ្ហា។ តាមការអះអាងនៃការសិក្សាថ្មីៗបានបង្ហាញថា វាជាវដ្តដែលចាប់ផ្តើមឡើងធម្មតា ក្រោយមកក្លាយជាទម្លាប់ ដែលនាំទៅរកការខាតបង់ ហើយចុងក្រោយត្រូវបាត់បង់ភាពស្និទ្ធស្នាលផ្នែកអារម្មណ៍ និងរាងកាយ។
ការសិក្សាស្រាវជ្រាវនេះបានគេលើកឡើង ដើម្បីឲ្យអ្នកទាំងអស់គ្នាដឹង និងរក្សាទំនាក់ទំនងស្នេហាដ៏សំខាន់បំផុតសម្រាប់យើងទាំងអស់គ្នាឡើងវិញ។ សរុបមក គ្មានមនុស្សណាម្នាក់ដែលស៊ាំ នឹងមនុស្សមានសក្តានុពលនោះទេ។ ពួកគេបានក្លាយជាទម្លាប់ក្នុងការលេង ហ្វេសប៊ុក រហូតដល់យប់ជ្រៅ។ ការការពារដ៏ប្រសើរបំផុតដើម្បីរក្សាចំណាប់អារម្មណ៍ដ៏ល្អពីភាពគ្រោះថ្នាក់ក្នុងសេចក្តីស្នេហា គឺត្រូវចាប់ផ្តើមនូវជំហានសកម្មមុនឲ្យបានច្រើនដើម្បីឆ្ពោះទៅកាន់ភាពសម្រេចគោលបំណងនៃទំនាក់ទំនងស្នេហា។ ក្នុងដំណាក់កាលនៃគំនិតរវើរវាយ រួមទាំងសកម្មភាពដែលគ្មានបានការពីមួយយប់ទៅមួយយប់ នឹងនាំអ្នកឲ្យចាកឆ្ងាយពីទំនាក់ទំនងយ៉ាងស្និទ្ធស្នាល ដែលអ្នកចង់បន្តនៅក្នុងទំនាក់ទំនងស្នេហារបស់អ្នក។ ដូច្នេះអ្វីដែលជាចំណង់ចំណូលចិត្តមិនបង្កភាពគ្រោះថ្នាក់ដូចជាការលេង ហ្វេសប៊ុក ត្រូវតែលេងក្នុងគោលដៅនៃជីវិតរបស់មនុស្សម្នាក់មែនទេ? វាជាបញ្ហាឈឺចាប់ដ៏ធំមួយនៃជីវិតរស់នៅដែលមិនចំគោលដៅ។
ប្រសិនបើការលេង ហ្វេសប៊ុក គឺជាទម្លាប់ប្រចាំថ្ងៃ វាជាអត្ថន័យមួយនៃការគេចវេសពីអារម្មណ៍។ វានឹងមិនបង្កើនតម្លៃនៅក្នុងជីវិតរបស់អ្នកទេ។ អ្វីដែលអ្នកធ្វើដោយចំណាយពេលវេលាពិតជាមានផលវិបាក គ្មានអ្វីដែលមិនសំខាន់នោះទេ។ រាល់គំនិតរបស់អ្នកផ្ទាល់ អ្នកគឺជាអ្នកគ្រប់គ្រងជីវិតដោយខ្លួនឯង។ គំនិតទាំងឡាយរបស់អ្នកនឹងមានការរីកចម្រើន។ ជាជាងការដែលអ្នកផ្លាស់ប្តូរគោលដៅទៅតាមអ្វីដែលអ្នកសញ្ចឹងគិតឃើញ។ ជីវិតនៃមនុស្សដែលអ្នកបានស្គាល់តាម ហ្វេសប៊ុក ជារៀងរាល់យប់គឺជាមធ្យោបាយទទួលរងនូវការផ្តាច់ទំនាក់ទំនងភ្លាមៗ និងបង្កើតទំនាក់ទំនងស្និទ្ធស្នាលភ្លាមៗ។ ពេលវេលាបន្ថែមដែលចំណាយពេលលើការទំនាក់ទំនង នឹងកាន់តែមានភាពប្រសើរឡើងដែលនឹងដឹកនាំជីវិតទៅកាន់ភាពរីកចម្រើន និងពេញលេញ។ អ្វីដែលអ្នកចំណាយពេលធ្វើឲ្យកើតនូវរឿងរ៉ាវឡើង និងដឹកនាំទៅកាន់ផលវិបាកពិសេសៗជាច្រើនដល់អ្នក។
លំហូរនៃជម្រើសជីវិតរបស់អ្នកនឹងដំណើរការបែបនេះ៖
– គំនិតនឹងនាំឲ្យមានសកម្មភាព
– សកម្មភាពនឹងបង្កបង្កើតទម្លាប់កើតឡើង
– ទម្លាប់នឹងបង្កើតទៅជាអាកប្បកិរិយា
– អាកប្បកិរិយានឹងកំណត់វាសនារបស់អ្នក។
ក្នុងការតម្រង់គោលដៅនៅក្នុងជីវិតផ្ទាល់ខ្លួនរបស់អ្នក គឺមានភាពសំខាន់ដូចជាមុខរបរដែលអ្នកប្រាថ្នាចង់បាន។ នៅពេលអ្នកធ្វើការសម្រេចចិត្តអង្គុយនឹងខាងមុខកុំព្យូទ័ររបស់អ្នក គ្រាន់តែចុចលើ ”មិត្តម្នាក់” បន្ទាប់មកចុចលើអ្នកផ្សេង ដើម្បីរកមើលរូបភាព ឬវីដេអូដែលគេបង្ហោះមកតែប៉ុណ្ណោះ។ ត្រូវសួរខ្លួនអ្នកថា តើពេលវេលាដែលខ្ញុំបានចំណាយលើការអានព័ត៌មាននេះ នឹងនាំខ្ញុំទៅដល់កន្លែងដែលខ្ញុំចង់បាននៅក្នុងជីវិត និងស្នេហាដែរឬទេ? នៅពេលអ្នកស្គាល់ពីកន្លែងដែលអ្នកស្រលាញ់ ដឹងពីរបៀបដែលអាចទៅដល់ទីកន្លែងនោះ និងដឹងពីកន្លែងដែលអ្នកចង់ទៅឥលូវនេះ អ្នកអាចនឹងជោគជ័យលើក្តីសុបិន្ត និងភាពចង់បានរបស់អ្នក។ សេចក្តីស្នេហាពិត គឺជាគោលដៅជោគជ័យជាមួយនឹងការគ្រោងទុក ការចាប់ផ្តើមជាមួយនឹងរួមបញ្ចូលគំនិត និងសកម្មភាពដែលរង់ចាំកន្លែងដែលអ្នកចង់ទៅ។ ការឆែក ហ្វេសប៊ុក យ៉ាងទៀងទាត់ជារៀងរាល់យប់នឹងមិនដឹកនាំជីវិតឲ្យកាន់តែមានភាពប្រសើរក្រៃលែង ពោរពេញទៅដោយទំនាក់ទំនងខាងអារម្មណ៍ទៅដល់អស់មនុស្សដែលអ្នកស្រលាញ់នោះទេ៕
មតិយោបល់