តារាចម្រៀង សំឡេងខ្លាំងដាច់គេជួរមុខ ក្នុងផលិតកម្ម ថោន លោក ខេម ត្រូវបានមហាជនស្គាល់យ៉ាងច្បាស់ ថាជាអធិរាជសំលេង ស្អកសម័យកាលថ្មី និងជាតារាចម្រៀងជួសសំនៀងស្អករបស់ តារាចម្រៀងជើងចាស់ លោក ហួរ ឡាវី ។
ក្នុងចំណោម តារាប្រុសៗទាំងអស់ គ្មានតារាចម្រៀងដួងណាមួយ ដែលមានសំនៀងស្អកដូច ទៅនឹង ខេម ឡើយ ក៏ប៉ុន្តែមាន តែខេម ម្នាក់គត់ដែលអាចមានសំនៀងស្អកដូច ទៅនឹង តារាចម្រៀង ជើងចាស់ ហួរ ឡាវី តែប៉ុណ្ណោះ ។ ខេម បើទោះបីជាមានសំនៀងស្អក មែនពិត តែបទរបស់តារាដួងនេះ ចេញមកមួយៗ តែងតែទទួលបានការគាំទ្រ និងសរសើរមិនដាច់ពីមាត់ ។
បទចុងក្រោយរបស់ ខេម ដែលល្បីល្បាញ និងត្រូវបាន អ្នកលេងបណ្តាញសង្គមហ្វេសប៊ុក ពេញចិត្ត និងចែកចាយ ពីមួយទៅមួយ ដោយសរសើរថា ពិតជាពិរោះ និងមានអត្តន័យ បើទោះបីជាបទនេះ យកលំនាំតាម ប្រភពដើមរបស់ខ្មែរក៏ដោយ តែ បទ “ខ្ញុំខ្លាចហើយលុយ ” ពិតជាពិរោះមែន ។
អត្ថន័យនៃបទ “ខ្ញុំខ្លាចហើយលុយ” គឹចង់និយាយអំពី ខេម ដែលខ្លាចលុយ ព្រោះតែខ្លួនជាអ្នកក្រ ហើយបាត់បង់ស្នេហា ក៏ព្រោះតែលុយ ដែលធ្វើឲ្យ ស ប្រែខ្មៅ ស្មោះ ប្រែក្បត់ និងធ្វើឲ្យស្រីម្នាក់ក្បត់ខ្លួន ស្រវ៉ាអ្នកស៊ីវិល័យ ។ បញ្ជាក់ផងដែរថា ទំនុកច្រៀងបទនេះដែរ និពន្ធដោយ កវីវ័យក្មេង យឹម តាស្រង់ ៕
ស្តាប់បទចម្រៀង “ខ្ញុំខ្លាចហើយលុយ” ដូចខាងក្រោមនេះ៖
មតិយោបល់