ភ្នំពេញ៖ អតីតអគ្គនាយកនៃទូរសទស្សន៍ជាតិកម្ពុជា (ទទក) បានចូលបម្រើការងារវិញហើយនៅថ្ងៃចន្ទទី២៦ខែឧសភា ឆ្នាំ ២០១៤ ក្រោយពេលឈប់សម្រាក់ប្រមាណជាមួយសប្ដាហ៍។
លោក កឹម គុណវឌ្ឍន៍ ត្រូវបានគេដឹងថា បានដាក់ពាក្យលាឈប់ពីតំណែង អគ្គនាយកនៃទូរសទស្សន៍ជាតិកម្ពុជា ដោយមូលហេតុត្រូវបានគេសង្ស័យថា មកពីមិនផ្សាយផ្ទាល់នូវព្រះរាជពិធីច្រត់ព្រះនង្គលកាលពីថ្ងៃទី១៧ខែឧសភា ឆ្នាំ ២០១៤។
បើតាមការឲ្យដឹងបន្ថែម ការវិលត្រឡប់មកវិញនេះ លោក កឹម គុណវឌ្ឍន៍ មិនបានមកកាន់តំណែងជាអគ្គនាយកនៃទូរសទស្សន៍ជាតិកម្ពុជា ដូចមុននេះទេ ពោលគឺលោកគ្រាន់តែជាមន្ត្រីធម្មតាប៉ុណ្ណោះ។
គួរបញ្ជាក់ផងដែរថា ក្រសួងព័ត៌មានបានប្រកាសតែងតាំង លោក ប៉ាង ណាត មុខតំណែងជាអគ្គនាយករងនៃទូរសទស្សន៍ជាតិកម្ពុជា ឲ្យឡើងជាអគ្គនាយកស្ដីទី បន្ទាប់ពីលោក កឹម គុណវឌ្ឍន៍ លាឈប់៕
មតិយោបល់