​អេ​ស្ប៉ាញ​៖​អ្នកចាំទី​ដែល​ខ្ចី​ពី​ក្លិប តោ​ខៀវ កីឡាករ Thibaut Courtois បាន​សម្តែង​នូវ​អារម្មណ៍ ប្រាប់​លោក Diego Simeone ជា​គ្រូបង្វឹក Atletico Madrid ថា គាត់​ចង់​នៅ​ពហុ​កីឡដ្ឋាន Vicente Calderon ដោយ​មិន​ចង់​វិលត្រឡប់​ទៅកាន់​តោ​ខៀវ​ឡើយ​។​
​កីឡាក​រវ័យ ២២ ឆ្នាំ នឹង​វិល​ទៅកាន់​តោ​ខៀវ​វិញ នៅ​រដូវ​កាល​នេះ បន្ទាប់​ពី​ការខ្ចី​លើក​ទី ៣ នេះ ផុតកំណត់ ខណៈ​ដែល​កន្លែង​លេង​រាល់ថ្ងៃ ជា​កន្លែង​ដ៏​ល្អ​បំផុត​នោះ ។​

​អ្នកចាំទី​សញ្ជាតិ​បែ​ល​ហ្សិក​រូបនេះ បានឲ្យដឹងថា លោក មិន​ចង់​វិល​ទៅ​កាន់ ពហុ​កីឡដ្ឋាន Stamford Bridge ដែល​មាន​កីឡាករ អ្នក​ចាំទី Petr Cech លេខ ១ នៅ​ទីនោះ ។​

​ប្រធាន​ប្រតិបត្តិ​របស់ Atletico លោក Angel Gil Marin បាន​អះអាង​ថា អ្នកចាំទី​រូបនេះ មាន​គោលដៅ​ចង់​លេង​បន្ត​នៅ​រដ្ឋធានី​ប្រទេស​អេ​ស្ប៉ា​ញ ។​ក៏​ប៉ុន្តែ​វា​មិន​អាស្រ័យ​លើ​គាត់​នោះទេ ព្រោះ​ថា​ពេល​នេះ អ្នកចាំទី​របស់​តោ​ខៀវ លោក Cech មាន​បញ្ហា​របួស ។​
​បច្ចុប្បន្នកាល​នេះ Cech កំពុង​ព្យាបា​លើ​បញ្ហា​ស្មា ដែល​រងរបួស ដែល​អាច​នឹង​អវត្តមាន​នៅ​រដូវ​កាល​ក្រោយ ដូចនេះ Thibaut Courtois នឹង​ត្រូវ​បង្ខំ​ឲ្យមក​លេង​ជួ​ស​តំណែង កីឡាករ​រូបនេះ ៕​