ភ្នំពេញ៖ថ្ងៃទី២៧ ខែឧសភា ឆ្នាំ២០១៤ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជា ណាចក្រកម្ពុជា នឹងយាងចូលរួមជាព្រះរាជាធិបតីភាពក្នុងមហោស្រពបេតិ កភណ្ឌភាពយន្ត អន្តរជាតិ«ការចងចាំ»លើកទី ២ ដែលនឹង ប្រព្រឹត្តទៅនៅរាជធានីភ្នំពេញ ពីថ្ងៃទី ៣១ ខែឧសភា ដល់ថ្ងៃទី ០៨ ខែមិថុនា ឆ្នាំ ២០១៤ នោះ។
យោងតាមសេចក្កតីប្រកាសព័ត៌មានប៉ារីស-ភ្នំពេញ ចុះថ្ងៃទី ១២ ខែឧសភា ឆ្នាំ ២០១៤ ឲ្យដឹងថា តារាភាពយន្តលោកស្រី Catherine Deneuve និងផលិតករភាពយន្តលោក Brillante Medoza (ហ្វីលីពីន) និងលោក Anthony Chen (សិង្ហបុរី) នឹងចូលរួមជាភ្ញៀវកិត្តិយស សម្រាប់ កម្មវិធីក្នុងឆ្នាំ២០១៤នេះ ។
មហោស្របបេតិកភណ្ឌភាពយន្តអន្តរជាតិលើកទី ២ នេះបង្ហាញខ្សែភាពយន្ត ដែល មកពីទូទាំងពិភពលោក ដែលមានតារា ភាពយន្តល្បីៗជាង ៥០ រូប នៅក្នុងឧស្សាហកម្មភាព យន្ត គណៈប្រតិភូអាជីពមកពីបណ្តាប្រទេសជាង ២០ តន្ត្រី-ភាពយន្ត សន្និសីទ និងកិច្ចប្រជុំ ជាមួយអ្នកឯកទេសអន្តរជាតិខាងភាពយន្តបេតិកភណ្ឌ ។ ការចូលរួមទស្សនាព្រឹត្តិការណ៍ ទាំំងអស់ក្នុងអំឡុង ពេលនៃ មហោស្រពនេះ គឺឥតគិតថ្លៃឡើយ ។
“ការចងចាំ!” គឺជាប្រភេទមហោស្រពមានតែមួយគត់នៅអាស៊ីយើងនេះ ដែលត្រូវ បង្កើតឡើងក្នុងឆ្នាំ ២០១៣ ដោយយកលំនាំមហោ ស្រពដូចជាII Cinema Ritrovato នៅបូឡូ ញ៉ា និង Luminiere នៅលីយ៉ុង ។ គោលបំណងរបស់មហាស្រពនេះ ដែលមានមូលដ្ឋានជា និមិត្តរូបនៅកម្ពុជាជាប្រទេសមួយ ដែលបានបាត់បង់បេតិកភណ្ឌភាពយន្តទាំំងស្រុងរបស់ខ្លួន ។
មហោស្រពនេះត្រូវបានធ្វើសម្រាប់សាធារណជននៅក្នុងប្រទេសកម្ពុជា ប៉ុន្តែក៏សំដៅផង ដែរទៅរកអ្នកមានអាជីព ខាងភាពយន្ត ទូទាំងពិភពលោក ជាពិសេសក្នុងផ្នែកបេតិកភណ្ឌភាព យន្ត ។
ចំណុចវិសេសនៃការរៀបចំកម្មវិធីរបស់មហោស្រពនេះ គឺរួមផ្សំបញ្ចូលគ្នានៃស្នាដៃសំ ខាន់ៗដែលកម្របានឃើញមានដាក់បញ្ចាំង ទាំងក្នុងប្រទេសខ្លួនផ្ទាល់ ហើយស្នាដៃជាច្រើន មិនដែលបានចេញពីទឹកដីកំណើតរបស់ខ្លួនឡើយ ។
ប្រធានបទសម្រាប់ឆ្នាំនេះគឺទាក់ទងនឹង «សំណើច» និងនិយាយជាក់លាក់ប្រភេទ ផ្សេងៗនៃសំណើច ព្រោះរឿងកំប្លែងមាន លក្ខណៈខុសៗគ្នាតាមប្រទេសនីមួយៗ វប្បធម៌ នីមួយៗ និងសម័យនីមួយៗ ។ មហោស្រពនេះបើកឆាកដោយចាប់ផ្តើមជាមួយ សៀក (The Circus) របស់ Charlie Chaplin (ភាគច្រើនហៅថា «សាកឡូក») ដើម្បីប្រារព្ធខួប ១០០ ឆ្នាំ ចាប់តាំងពី Chaline បានបង្កើតតួអង្គរបស់គាត់ជាជនអនាថា ។ វាគឺជាឱកាសដ៏ល្អបំផុត ដើម្បីអបអរស្តេចកំប្លែងល្បីឈ្មោះផ្សេងៗទៀត នៅក្នុងប្រទេសកំណើតរបស់ពួកគេដូចជា Mat Sentul (សិង្ហបុរី) George Wallace (អូស្ត្រាលី) Kenichi Enomoto ជប៉ុន Dolphy (ហ្វីលីពីន) ។
កម្មវិធីថ្មីដោយឡែកចំនួនពីរសម្រាប់ឆ្នាំនេះ គឺតន្ត្រី-ភាពយន្ត“ការចងចាំ!” អ្នកនិពន្ធបទ ភ្លេងល្បីឈ្មោះមួយរួបឈ្មោះ ហ៊ឹម សុភី នឹងចូលរួមក្នុងការនិពន្ធបទភ្លេងសម្រាប់ភាពយន្ត ជា មួយតន្ត្រីករវយ័ក្មេង ។ ពួកគេនឹងផ្តល់ការសម្តែងលើឆាកមួយនៅក្នុងអំឡុងពេលពិធីបិទ មហោស្រព ។
សាលាភាពយន្ត“ការចងចាំ!” គឺនិស្សិត ដែលមកពីសាលាភាពយន្តមួយនៅអាស៊ី នឹង ត្រូវបានអញ្ជើញឲ្យចូលរូមក្នុងមហោស្រព នេះរៀនសូត្រពីទិដ្ឋភាពផ្សេងៗ គ្នានៃបេតិកភណ្ឌ ភាពយន្តមើលឃើញនូវស្នាដៃចាស់ៗ ជាច្រើន និងជួបជាមួយ អ្នកអាជីព ធ្វើការក្នុងវិស័យភាព យន្ត ។ ឆ្នាំនេះសាលាភាពយន្តយ៉ាងហ្គូនរបស់ប្រទេសភូមា គឺជាភ្ញៀវកិតិ្តយសនៅក្នុងកម្មវិធី ថ្មីនេះ ។
មហោស្រព“ការចងចាំ!” ត្រូវបានដឹកនាំដោយ Gilles Duval (សមាគមភាពយន្ត“ ការ ចងចាំ!”)(MEMORY Cirnema Association), Severine Wemaere (មូលនិធិTechnicolor សម្រាប់បេតិកភណ្ឌភាពយន្ត) (Technicolor Foundation for Cinema Heritage ) និងផលិត ករភាពយន្ត ប៉ាន រិទ្ធី (មជ្ឈមណ្ឌលធនធានសោតទស្សន៍បុប្ផាណា) ។ ដៃគូសំខាន់ៗ របស់ មហោស្រពក្នុងឆ្នាំ ២០១៤ នេះគឺក្រសួងវប្បធម៌ និងវិចិត្រសិល្បៈកម្ពុជា ក្រសួងព័ត៌មានកម្ពុជា ក្រសួងទេសចរណ៍កម្ពុជា ក្រសួងអប់រំ យុវជន និងកីឡាកម្ពុជា វិទ្យាស្ថានបារាំង (ប៉ារីស និង ភ្នំពេញ)ស្ថានទូតប្រចាំនៅកម្ពុជា មជ្ឈមណ្ឌលបណ្តុះបណ្តាលជំនាញ និងទទួលថតភាពយន្ត នៅកម្ពុជា (Cambodia film Commission ) UNESCO, FIAF (សហព័ន្ធអន្តរជាតិនៃបណ្តា សារភាពយន្ត) , CNC (គណៈកម្មាធិការភាពយន្ត ជាតិរបស់ប្រទេសបារាំង) Unifrance , វិទ្យុ បារាំង France 24 និង RFI , ទូរទស្សន៏បារាំង TV5 Monde រួមទាំងការឧបត្ថម្ភផងដែរពី អាកាសយាន្តដ្ឋានកម្ពុជា (Cambodia Airport) , The Shop , First Class និង Tea House ៕
ប្រភព៖ AKP
មតិយោបល់