ខេត្តសៀមរាប ៖នៅថ្ងៃទី ថ្ងៃទី២៧ ខែឧសភា ឆ្នាំ២០១៤ ចុងភៅកម្ពុជាបាននិងកំពុងធ្វើឲ្យម្ហូបអាហារខ្មែរល្បីនៅលើឆាអន្តរជាតិ ខណៈពេល ដែលពួក គេទទួលបាន ជ័យជំនះពានរង្វាន់ចំនួន ២ ក្នុងការប្រកួតប្រជែង ម្ហូបអាហារប្រចាំ តំបន់អាស៊ាន និងកម្មវិធី ប្រកួតប្រជែង ម្ហូបអាហារ ដែលធ្វើមកពីធនធានធម្មជាតិ នៅក្នុងទន្លេ មេគង្គ នៅក្នុងប្រទេសចិន និងប្រទេស ថៃនាពេល កន្លងមកថ្មីៗនេះ។
លោក ហៃ វុទ្ធី ប្រធានសមាគមចុងភៅកម្ពុជា ដែលទើបបានវិលត្រឡប់ពីការដឹកនាំចុង ភៅកម្ពុជាទៅប្រកួតនៅប្រទេសចិន និងប្រទេសថៃ បានឲ្យដឹងកាលពីថ្ងៃទី ២៧ ខែឧសភាឆ្នាំ ២០១៤ ថា ការប្រកួតប្រជែងម្ហូបអាហារប្រចាំតំបន់អាស៊ាន ដែលបានធ្វើឡើងចាប់ពីថ្ងៃទី ១២ រហូតដល់ថ្ងៃទី ១៥ ខែឧសភាឆ្នាំ ២០១៤ នៅទីក្រុងសៀងហៃប្រទេសចិននោះ ចុងភៅកម្ពុជា យើងទទួលបានចំណាត់ថ្នាក់លេខ ២ ។ ចំណែកឯការប្រកួតប្រជែងម្ហូបអាហារដែលធ្វើមកពីធនធានធម្មជាតិនៅក្នុងទន្លេមេគង្គ ដែលបានធ្វើឡើងចាប់ពីថ្ងៃទី ២១ រហូតដល់ថ្ងៃទី ២៥ ខែ ឧសភាឆ្នាំ ២០១៤ នៅក្នុងទីក្រុងបាងកកប្រទេសថៃនោះ ចុងភៅកម្ពុជាយើងទទួលបានចំ ណាត់ថ្នាក់លេខ ១ ក្នុងចំណោមប្រទេសចំនួន ១៣ ដែលបានចូលរួមប្រកួត។
លោក ឡុង បូរ៉ា ប្រធានក្រុមចុងភៅកម្ពុជា ដែលបានដឹកនាំចូលរួមការប្រកួតដោយផ្ទាល់ បានឲ្យដឹងថា ម្ហូបដែលក្រុម ចុងភៅកម្ពុជាយើងលើកយកទៅបង្ហាញនាពេលនោះ ហើយ ទទួលបានចំណាត់ថ្នាក់លេខ ១ ពោលគឺទី ១ ញាំព្រលឹតជាមួយ ត្រីអណ្តែង និងកំពឹស ទី ២ បំពងបង្កងជាមួយទឹកជ្រលក់ស្វាយទុំ ទី ៣ សម្លប្រហើរជាមួយសាច់ត្រី ទី ៤ ខអន្ទង់រុំជា មួយទឹកម្ទេស អំពិលទុំ ទី ៥ អាម៉ុកកង្កែបក្នុងត្រឡាច ទី ៦ ត្រីបំពងជាមួយទឹកជ្រលក់ម៉ាយូ ណែស និងទី ៧ បាយដំណើបរុំជាមួយ សាច់ត្រីនិងបង្កង។
លោក ឡុង បូរ៉ា បានឲ្យដឹងទៀតថា នៅពេលដែលគណៈកម្មការប្រកាសថា កម្ពុជាទទួលបានចំណាត់ថ្នាក់លេខ ១ នៅក្នុង ចំណោមប្រទេសចំនួន ១៣ ដែលបានចូលរួមប្រកួតនោះ រូបលោកមានការសប្បាយចិត្តយ៉ាងខ្លាំង ស្ទើរតែស្រក់ទឹកភ្នែកព្រោះ មានមោទនភាពដែលបានធ្វើឲ្យម្ហូបខ្មែរមានការទទួលស្គាល់លើឆាកអន្តរជាតិនោះ៕
មតិយោបល់