ស្បែកជ្រីវជ្រួញបណ្តោលមកពីបរិយាកាសខាងក្រៅ គួបផ្សំជាមួយនឹងរបបអាហារប្រចាំថ្ងៃពុំមានជីវិជាតិចិញ្ចឹមគ្រប់គ្រាន់ ធ្វើឲ្យកោសិកាស្បែកមិនអាចរីកលូតលាស់ថ្មីទាន់ពេល។ នេះហើយគឺជាសត្រូវដ៏ធំដែលធ្វើឲ្យស្បែករបស់ស្ត្រីបាត់បង់នូវភាពស្រស់ស្អាត។ ដូច្នេះហើយស្ត្រីគ្រប់រូបគួរតែងាយមកបរិភោគអាហារមួយចំនួនជាប្រចាំ ព្រោះវាអាចផ្តល់មកនូវសារធាតុចិញ្ចឹមគ្រប់គ្រាន់ ដែលអាចជួយលុបបំបាត់ភាពជ្រីជ្រួញនៅលើស្បែក។ ខាងក្រោមនេះជាអាហារ ១០ ប្រភេទដែលមានជីវជាតិគ្រប់គ្រាន់ក្នុងកាត់បន្ថយភាពជ្រីវជ្រួញ និងធ្វើឲ្យស្បែកស្រស់ថ្លាតាមបែបធម្មជាតិឡើងវិញ៖
១. មើមឆៃថាវ: មើមឆៃថាវសម្បូរទៅដោយជាតិសរសៃ និងផ្ទុកនូវសារជាតិពណ៌ដែលអាចបង្កើនការផលិតកូឡាសែន (ប្រភេទប្រូតេអ៊ីនដែលភ្ជាប់ជាលិកានៅក្នុងរាងកាយ និងធ្វើឲ្យស្បែកទន់ល្អ)។
២. ស៊ុត: ស៊ុតមិនត្រឹមតែផ្តល់នូវសារធាតុចិញ្ចឹមដល់ស្បែកប៉ុណ្ណោះទេ តែថែមទាំងជួយការពារជម្ងឺបេះដូងផងដែរ។
៣. ខ្ទឹមស: ខ្ទឹមសមានប្រសិទ្ធិភាពក្នុងការប្រឆាំងនឹងបាក់តេរី ដែលមកបៀតបៀនលើរាងកាយ។ ខ្ទឹមសអាចការពារស្បែក ប្រឆាំងនឹងកត្តាដូចជា ភាពតានតឹង, ការធ្វើអុកស៊ីតកម្ម…។
៤. ត្រីសាល់ម៉ុន: ប្រសិនបើអ្នកមានរួមបញ្ចូលត្រីសាល់ម៉ុន នៅក្នុងរបបអាហារប្រចាំថ្ងៃ វានឹងអាចជំនួយដល់ស្បែករបស់អ្នកច្រើន, ស្បែករបស់អ្នកមិនត្រឹមតែមានសុខភាពល្អប៉ុណ្ណោះទេ ថែមទាំងកាត់បន្ថយភាពជ្រីវជ្រួញផងដែរ។ ត្រីសាល់ម៉ុនមានផ្ទុកនូវប្រូតេអ៊ីននិងអាស៊ីតខ្លាញ់ ៣ ប្រភេទដែលជាសារធាតុចិញ្ចឹមជួយការពារស្បែកយ៉ាងមានប្រសិទ្ធិភាពពីការចាស់ជ្រីវជ្រួញ។
៥. គ្រាប់ស្វាយចន្ទី: ប្រសិនបើអ្នកទទួលទានគ្រាប់ស្វាយចន្ទីបានទៀតទាត់ វាអាចជួយជម្រុះកោសិកាស្បែកចាស់ៗចេញ កត្តាដែលសំខាន់នោះ គឺកម្ចាត់នូវភាពចាស់។ គ្រាប់ស្វាយចន្ទីក៏មានផ្ទុកនូវវីតាមីន E ដែលអាចជួយការពារភាពចាស់ជ្រីវជ្រួញ និងការពារស្បែកខូច។
៦. ស្ពៃខ្មៅ: ស្ពៃខ្មៅផ្ទុកនូវសារធាតុចិញ្ចឹម ដែលអាចជួយការពារមុខជ្រីវជ្រួញ និងការពារស្បែកពីពន្លឺព្រះអាទិត្យ។
៧. សូកូឡា: អ្នកជំនាញបាននិយាយថា៖ ការទទួលទានសូកូឡា ឬក៏លាបសូកូឡាលើស្បែកមុខបានទៀតទាត់អាចជួយបំបាត់ភាពជ្រីវជ្រួញលើស្បែកមុខ។ ទោះជានៅមានភាពចម្រូងចម្រាសក្នុងការប្រើសូកូឡាដោយផ្ទាល់ ដែលគិតថាការទទួលទានសូកូឡាល្អជាងក៏ដោយ ប៉ុន្តែការទទួលទានសូកូឡាជារៀងរាល់ថ្ងៃ គឺវាពិតជាល្អសម្រាប់ស្បែករបស់អ្នក។ ការទទួលទានសូកូឡាបានញឹកញាប់អាចជួយឲ្យស្បែកម៉ដ្ឋរលោង, ជួយជម្រុះកោសិកាចាស់ៗបានងាយ, ជួយការពារស្បែកពីពន្លឺកាំរស្មីស្វាយអ៊ុលត្រា និងជួយឲ្យស្បែកមានពណ៌សស្រស់ថ្លា។
៨. ម្ទេសប្លោក: ម្ទេសប្លោកផ្ទុកនូវវីតាមីន A និងវីតាមីន E ដែលជាសារធាតុចិញ្ចឹមជំនួយដល់ស្បែក និងការពារស្បែកពីកាំរស្មី UV។ ជាពិសេសម្ទេសប្លោកក្រហមមានផ្ទុកនូវវីតាមីន C ប្រឆាំងនឹងស្បែកជ្រីវជ្រួញ។ ម្ទេសប្លោកក្រហមក៏អាចជួយការពារពីការប៉ះទង្គិច នឹងធាតុវិទ្យុសកម្ម, ការពារស្បែកពីភាពចាស់ជ្រីវជ្រួញ។ ដោយសារតែម្ទេសប្លោកផ្ទុកនូវវីតាមីនល្អៗជាច្រើន ដូច្នេះមេផ្ទះទាំងអស់គួរមានបន្ថែមម្ទេសប្លោកចូលទៅក្នុងអាហារជាប្រចាំ ដើម្បីបង្កើតនូវកោសិកាស្បែកថ្មី ជួយកាត់បន្ថយភាពជ្រីវជ្រួញ។
៩. ផ្កាខាត់ណា: ប្រូតេអ៊ីននៅក្នុងផ្កាខាត់ណាអាចជួយការពារភាពចាស់ជ្រីវជ្រួញ និងការពារស្បែកពីការរលាកកម្តៅថ្ងៃ ថែមទាំងមហារីកស្បែកផងដែរ។
១០. ផ្លែបេរីខៀវ: ផ្លែបេរីខៀវត្រូវបានគេចាត់ទុកថាជាផ្លែឈើម្យ៉ាងមានប្រសិទ្ធិភាពប្រឆាំងនឹងស្បែកជ្រីវជ្រួញ និងអាចកាត់បន្ថយកោសិកាខូច។ ផ្លែបេរីខៀវនេះផងដែរក៏អាចជួយបន្សាបពីការប៉ះទង្គិច នឹងធាតុវិទ្យុសកម្ម និងការពារកោសិកាស្បែក៕
មតិយោបល់