អង់គ្លេស៖កីឡាករ Glen Johnson បាននិយាយថា មិត្តរួមក្រុមក្លិបហង្សក្រហមរបស់ខ្លួន កីឡាករ Luis Suarez សមនឹងប្រឈមមុខ ជាមួយនឹងតោបីរបស់អង់គ្លេស ក្នុងប្រទេសប្រេស៊ីល ។
កីឡាករ សញ្ជាតិអ៊ុយរ៉ូហ្គាយ បានទទួលការវះកាត់ក្បាលជង្គង់ ខណៈដែលខ្លួនជួបបញ្ហាក្នុងការប្រកួតចុងក្រោយ ជាមួយ Newcastle United ក្នុងក្របខណ្ឌ Premier League ហើយក្រោយមកក៏វះកាត់តែម្តងស្របពេលរបួសរើក្នុងការអនុវត្តន៍នៅ អ៊ុយរ៉ូហ្គាយ ។
មានការសង្ស័យជាច្រើន ថាកីឡាកររូបនេះ នឹងមិនអាចចូលរួម ចំណែកក្នុងការប្រកួតបាល់ទាត់តំណាងឲ្យជាតិ នៅក្នុងប្រទេសប្រេស៊ីល បើទោះបីជា ខាងអ្នកដឹកនាំជម្រើសជាតិ បញ្ជាក់ថា អាចនឹងជាសះស្បើយ ទាន់ពេល ប្រកួតបើកឆាកក៏ដោយ ។
តែទោះជាយ៉ាងណា មិត្តរួមក្រុមរបស់ Luis Suarez កីឡាករ Glen Johnson បានឲ្យដឹងថា “គាត់មិនបានគិតអាក្រក់ថា កីឡាករ មិត្តរួមក្រុមហង្សក្រហម Luis Suarez នឹងអវត្តមាននោះទេ គឺគាត់នឹងប្រឈមមុខជាមួយនឹង អង់គ្លេសទៀតផង” ។
មតិយោបល់