ដោយមានប្រសាសន៍នាពិធីបិទវគ្គសិក្សាសាមគ្គីអូឡាំពិក ស្តីពីគ្រូបង្វឹកកីឡាហែលទឹកថា សូមអរគុណដល់សហព័ន្ធកីឡាហែលទឹកអន្តរជាតិ ដែលបានផ្តល់នូវអ្នកជំនាញ
កីឡាហែលទឹកប្រកបដោយសមត្ថភាពដល់គណ:កម្មាធិការជាតិអូឡាំពិកកម្ពុជា ក្នុងវគ្គសិក្សានេះសម្រាប់គ្រូកីឡាហែលទឹកកម្ពុជា ដែលកម្ពុជាចង់បានបំផុតនោះ។
មតិខាងលើគឺជាប្រសាសន៍របស់ឯកឧត្តម វ៉ាត់ ចំរើន អគ្គលេខាធិការគណ:កម្មាធិការជាតិអូឡាំពិកកម្ពុជា ក្នុងខណ:ឯកឧត្តមអញ្ជើញចូលរួម ក្នុងពីធីបិទវគ្គសិក្សាខាងលើកាលពីព្រឹកថ្ងៃទី២៨ ខែឧសភា ឆ្នាំ២០១៤ នាទីស្នាក់់ការ NOCC ។
ក្នុងពិធីនោះផងដែរឯកឧត្តមក៏បានសង្គត់ធ្ងន់ថា កីឡាហែលទឹកជាកីឡាដឹកនាំដល់កីឡាដទៃទៀតឲ្យមានការរីកចម្រើន ព្រោះកីឡាផ្សេង ទៀតបានដាក់បញ្ចូលនូវផែនការហាត់បន្ថែមនៅកីឡាហែលទឹកនេះយ៉ាងតិចណាស់១សប្តហ៍១ដងដែរដើម្បីញ៉ាំងឲ្យរាងកាយមានចលនាទន់ភ្លន់បាន់ល្អ។
ជាមួយគ្នានោះផងដែរឯកឧត្តមបានរំលឹកដល់សិក្ខាកាមទាំងអស់ចូរបន្តស្រឡាញ់ ជំរុញ និងបន្តបណ្តុុះបណ្តាលដល់អត្តពលិក ហែលទឹក ជំនាន់ក្រោយបន្ថែមទៀតក្នុងន័យឲ្យកីឡានេះមានការរីកចម្រើននាពេលអនាគត។
សូមបញ្ជាក់ថា វគ្គសិក្សានេះបានផ្តើមសិក្សាតាំងពីថ្ងៃទី១៧ និងបញ្ចប់ទៅវិញ នាថ្ងៃទី២៨ ខែឧសភា ឆ្នាំ២០១៤ ដោយមានលោក Jame Rechat ជាអ្នកជំនាញកិឡាហែលទឹកផ្តល់ដោយសហព័ន្ធកីឡាហែលទឹកអន្តរជាតិ តាមរយ:អង្គការសាមគ្គីអូឡាំពិក។
ជាមួយគ្នានោះផងដែរវគ្គសិក្សានេះមានសិក្ខាកាមចូលរួមចំនួន២៥នាក់ មកពីមជ្ឈដ្ខានផ្សេងៗគ្នា។ សិក្ខាកាមជានារីចំនួន ៨នាក់ មកពីខេត្តកំពង់ចាម៤នាក់ក្រៅពីនោះជាគ្រូបង្វឹកកីឡាហែលទឹកមកពីគ្រឹស្ថានសិក្សានានា និងសាលារៀនខ្មែរ និងបរទេសក្នុងរាជធានីភ្នំពេញដូចជាវិទ្យាស្ថានជាតិអប់រំកាយ និងកីឡា-នាយកដ្ឋានអប់រំកាយ និងកីឡា-សាលាអន្តរជាតិ-សាលាអន្តរទ្វីបអាមេរិកកាំង-សាលាNISC- សាលា ICAN-ខេត្តកំពង់ចាម-វិទ្យាល័យបឹងព្រៃ-វិទ្យាល័យព្រែកលាប-វិទ្យាល័យហ៊ុនសែនពោធិ៍ចិនតុង-វិទ្យាល័យដង្កោ-អង្គការមិត្តសម្លាញ់-សាលាអន្តរជាតិ LOGOS-និង ប៉ារ៉ាឡាំពិក។វគ្គនេះឧទ្ទេសនាមដោយគ្រូជនជាតិអង់គ្លេសដែលមកពីអង្គការសាមគ្គីអូឡាំពិកអន្តរជាតិគឺលោក James Richard ។
បន្ទាប់ពីឆ្លងកាត់ការសិក្សានិងការអនុវត្តជាក់ស្ដែងសិក្ខាកាម ទាំង២៥ នាក់ បានទទួលនិទ្ទេសល្អ ចំនួន១០នាក់ ស្មើនឹង៤០%ឯគ្រូបង្វឹក ១៥នាក់ទៀតបាននិទ្ទេសល្អបង្គួរ ស្មើនឹង៦០%៕
មតិយោបល់