អ្នកប្រើប្រាស់ Skype នឹងអាចពង្រីកនូវការទំនាក់ទំនងទៅកាន់ពិភពលោកកាន់តែងាយស្រួល ជាមួយនឹងមុខងារថ្មី។ នេះជាសំដីដែលក្រុមហ៊ុន Microsoft បានថ្លែងឲ្យដឹងកាលពីថ្មីៗនេះ។កាន់តែងាយស្រួល ក្រុមអ្នកអភិវឌ្ឍន៍ Skype បានបង្កើតនូវ Skype Translator ដើម្បីធ្វើការបកប្រែនូវភាសាជាសំឡេង និងអក្សរនៅពេលដែលអ្នកប្រើ Skype ធ្វើការ Call ឬផ្ញើសារជាភាសាផ្សេងគ្នា។
លោក Satya Nadella នាយកប្រតិបត្តិក្រុមហ៊ុន Microsoft និងលោក Gurdeep Pall អនុប្រធានជាន់ខ្ពស់ Skype បានបង្ហាញនូវបច្ចេកវិទ្យាថ្មីមួយកាលពីថ្ងៃអង្គារកន្លងទៅនេះ នៅក្នុងវេទិកា Code Conference ពាក់ព័ន្ធនឹង Skype។
លោក Pall បានធ្វើការបង្ហាញពីបច្ចេកវិទ្យាថ្មី ដោយអ្នកប្រើប្រាស់ Skype និយាយជាភាសាអង់គ្លេស វាអាចធ្វើការបកប្រែជាភាសាអាល្លឺម៉ង់ ហើយនៅពេលអ្នកនិយាយភាសាអាល្លឺម៉ង់ វានឹងបកប្រែជាភាសាអង់គ្លេសវិញ។
លោកបានបន្តទៀតថ Skype Translator នេះនឹងដាក់ឲ្យប្រើប្រាស់ដំបូងនៅលើប្រព័ន្ធដំណើរការ Windows 8 beta នៅចុងឆ្នាំនេះ៕
មតិយោបល់