ភ្នំពេញ ៖ យុវជនម្នាក់ត្រូវបាននគរបាលប៉ុស្ដិ៍វាលវង់ធ្វើការឃាត់ខ្លួនខណៈដែលគេជិះម៉ូតូដេញវាយគ្នានៅផ្លូវសាធារណៈហើយជ្រុលមកបុកការដ្ឋានជួសជុលប្រព័ន្ធលូកាលពីវេលាម៉ោង៩និង២០នាទីយប់ថ្ងៃទី២៩ខែឧសភាឆ្នាំ២០១៤ ស្ថិតនៅចំណុចស្ដុបអូរឫស្សីតាមបណ្ដោយផ្លូវ១៨២ កែងផ្លូវលេខ១៦៣ ក្នុងសង្កាត់វាលវង់ ខណ្ឌ៧មករា។
ប្រភពព័ត៌មានពីសមត្ថកិច្ចបានអោយដឹងថា មានក្មេងស្ទាវ២ក្រុមដែលជិះម៉ូតូដេញវាយគ្នាយ៉ាងប្រសេចប្រសាចតាមផ្លូវសាធារណៈ ហើយខណៈនោះក៏មានក្មេងស្ទាវម្នាក់បានជិះម៉ូតូមួយគ្រឿងម៉ាកហុងដាស្កុបពី ពណ៌ផ្កាឈូកលាយស ពាក់ស្លាកលេខ ភ្នំពេញ 1CB-1693 ក្នុងល្បឿនលឿនក្នុងស្ថានភាពភ័យផងក៏បានជ្រុលទៅបុកការដ្ឋានជួសជុលប្រព័ន្ធលូបណ្ដាលអោយដួលហើយបក្ខពួកដ៏ទៃទៀតបានជិះគេចខ្លួនបាត់ស្រមោលអស់ ដោយបន្សល់ក្មេងស្ទាវម្នាក់ជិះម៉ូតូបុកការដ្ឋានជួសជុលប្រពន្ធលូនៅកន្លែងកើតហេតុ។បន្ទាប់ពីកើតហេតុសមត្ថកិច្ចមូលដ្ឋានក៏បានចុះមកត្រួតពិនិត្យនិងធ្វើការឃាត់ខ្លួនក្មេងស្ទាវម្នាក់នោះរួមទាំងម៉ូតូយកទៅប៉ុស្ដិ៍នគរបាលនិងរដ្ឋបាលវាលវង់ ដើម្បីធ្វើការសាកសួរនិងអប់រំហើយទំនាក់ទំនងទៅក្រុមគ្រួសារមកធ្វើកិច្ចសន្យាធានាទទួលយកត្រឡប់ទៅផ្ទះវិញ៕
មតិយោបល់