ក្លិបមេឃខៀវ Manchester City អាចនឹងទទួលបានសំណើរ៦០លានផោនពីក្លិបអធិរាជ Real Madrid ខណៈដែលក្លិបនេះកំពុងចង់បានខ្សែប្រយុទ្ធ Sergio Aguero ។
ក្លិបយក្សរបស់អេស្ប៉ាញមួយនេះត្រូវបានគេនិយាយថា ក៏កំពុងមានគម្រោងលើការនាំយកខ្សែ Luis Suarez របស់ក្លិបហង្សក្រហម Liverpool ផងដែរប៉ុន្តែមានសារព័ត៌មាន ជាច្រើន បានអះអាងថា កីឡាករសញ្ជាតិអ៊ុយរ៉ាហ្គាយរូបនេះនឹងបន្តលេងនៅទឹកដី Anfield ។
ដូចនេះទើបគេហទំព័រ Daily Star បានលើកឡើងថា ក្លិបជើងឯកពានរង្វាន់ទ្វីបអឺរ៉ុបមួយនេះ បានបង្វែរចំណាប់អារម្មណ៍ហើយគ្រោងនឹងចំណាយលុយច្រើនសន្ធឹកសន្ធាប់លើកីឡាករអាហ្សង់ទីន Aguero វិញ ។
គួរបញ្ជាក់ថា Aguero បានផ្លាស់មកក្លិប Manchester City ក្នុងឆ្នាំ ២០១១ ដោយ ស៊ុតបញ្ចូលទីបាន២៨គ្រាប់ក្នុងការចូលលេង៣៤ប្រកួតកាលពីរដូវកាលហើយរូបគេក៏មានចំណែកជួយឲ្យក្លិបឈ្នះពាន Capital One Cup និង Premier League ផងដែរ ៕
មតិយោបល់