សារព័ត៌មាន AFP បានដកស្រង់សម្ដីនាយករដ្ឋមន្ដ្រីជប៉ុន លោក ស៊ីនហ្សូ អាបេ បានប្រកាសកាលពីថ្ងៃទី២៩ ខែឧសភាថា កម្លាំងការពារដែនសមុទ្រ ជប៉ុនកំពុងរិះរកគ្រប់វិធីសាស្ដ្រទប់ទល់ នឹងហេតុការណ៍ផ្ទុះឆេះនាវាដឹកប្រេង មួយគ្រឿងនៅលើដែនទឹកក្នុងអធិបតេយ្យ ភាពរបស់ជប៉ុន ។
នាយករដ្ឋមន្ដ្រីជប៉ុន លោកស៊ីនហ្សូ អាបេបានកាត់ផ្ដាច់នូវកិច្ចពិភាក្សា ដោយប្រកាសព័ត៌មានពីនាវាដឹកប្រេង ផ្ទុះឆេះនៅតំបន់សមុទ្រ ស្ថិតនៅក្នុងខេត្ដហ៊ីយូហ្គោ ។
អ្នកនាំពាក្យកម្លាំងទាហានការពារ ដែនសមុទ្រជប៉ុនបានឱ្យដឹងថា ទាហាន ជើងទឹកជប៉ុនបានទទួលបានព័ត៌មានស្ដីពី ការផ្ទុះឆេះនៅលើនាវាដឹកប្រេងសូកូម៉ារូ ជិតកំពង់ផែហ៊ីមេជី ភាគខាងលិច ប្រទេសជប៉ុន ។ កម្លាំងការពារដែន សមុទ្រជប៉ុនបានទៅដល់កន្លែងកើត ហេតុភ្លាមៗ ដែលមានចម្ងាយពីតាំង ៤៥០គីឡូម៉ែត្រ ។ មកទល់ពេលនេះ គេមិនទាន់ដឹងពីជោគវាសនានាវឹកទាំង៨ នាក់នៅលើនាវាដែលផ្ទុះឆេះនោះនៅ ឡើយ ។ សារព័ត៌មានក្នុងតំបន់បាន ផ្សាយថា ការផ្ទុះនោះបណ្ដាលឱ្យនាវឹក ម្នាក់បាត់ខ្លួន និង៤នាក់រងរបួស ។
អគ្គិភ័យ ឆេះប្រេងមើលឃើញពី ចម្ងាយរាប់សិបគីឡូម៉ែត្រដោយផ្សែង ខ្មៅខ្មួលខ្មាញ់ទៅលើអាកាសកម្ពស់ជាង ១០០ម៉ែត្រ ។ នាវាដឹកប្រេងដែលជួប គ្រោះថ្នាក់នោះ មិនបានដឹកប្រេងច្រើន នោះឡើយពេលហេតុការណ៍អាក្រក់កើតឡើង ៕
ទស្សនាឃ្លិបដូចខាងក្រោមនេះ៖
មតិយោបល់